15分入大學機會有多少%?

而家大學多數學系會主要考慮高考成績, 所以單憑會考成績, 而唔講預算高考成績, 好難講你有幾大機會讀大學. 有學生會考十幾分, AL考得好好入到大學. 相反有D會考廿幾分, 考得唔好, 最後入唔到大學都有.

因為你提供資料不足, 先假設你修中化+英文+2AL+1AS (取你成績最好既三科而推斷你AL/AS讀咩, 即AL讀物理, 化學, AS讀數統.), 而且成績同你會考既Grade一樣.

理大係會先考慮高考成績及面試表現, 會考成績會於幾個考生高考成績同分先會考慮. 如果你面試表現OK的話, 你入理大護理同HD社工機會都幾大. 如果你成績再差D就好難講.

港大nursing方面, 如果你可以考到之前我所講既成績, 其實你都有幾大機會入, 上年90th percentile只係一科c, 其他D-E. 社工收生成績同護理差唔多.

中大nursing方面, 如果你UE再考好D就更加好, 因為中大護理係計重UE, 不過高考3C算有幾大機會入.

呢三間大學社工同護理系收生成績差唔多, 好難話邊個比較易. 所以我建議你揀最有興趣既科入, 唔好貪求邊科易就讀邊科. 入大學讀一科你無興趣既科目係好辛苦同讀得好唔開心, 讀得太差又要比人迫你退學. 想轉系人地又要睇你大學同al成績, 而且成功機會未必高. 你都唔想個三年大學白白渡過架?!

2007-05-10 16:31:07 補充：
不過有一樣可以肯定, 大學選科既時候唔好選計40%-50%會考成績既學系.

2007-05-11 15:49:25 補充：
有D有E既話, 你可以試下中大工程學科, 港大同中大社工同nursing就多數未必得, 因為就算LQ都有大約一兩科C. 取你最好成績, 用理大公式去計, 你有(2＋1＋2)＋(2＋1)*0.6=6.8, 今年理大護理同社工cut-off係7.4分. 由於你個分低過cut-off, 所以入到既機會可以話等於零. 但工程物理學, 同埋設計就有可能. 公開大學護理收生成績係點就唔知.

根據資料,少於0.40
但只要及時努力,要又報讀要求不高的學科,
機會還是有的!
社工相對較容易,但對了成績,面試也佔頗高的學分的!
至於護理,恐怕不是那麼容易