究竟繼續升中七定係讀ｉｖｅ好ａｒ？　２０分　唔好亂答＝口＝　我真係好需要好詳細既答覆

我係過來人...我同你既遭遇可以話係一模一樣..
有樣野我可以話你知...我真係一個人版..

我係舊年既中七畢業生...考左AL
你估我成績如何? 中英文都係E..2科AL同埋電腦都肥晒wo
冇錯...我係拎到一張畢業証書..証明到我係讀完F.7
但係...有咩用? 係咪要用個靚靚相架鑲起佢?
老實講...真係幾羞家囉..

我同你一樣既吾單止係成績..仲有屋企都係
我阿爸都好想好想好想我讀大學..
佢成日都話..如果我地屋企出到個大學生就好喇..
會考15分...升到中六

中六完左喇..我同你一樣迷茫..
因為我知道自己AL一定吾得...英文就有少少信心ok..
但係Econ同Acct我知自己一定死...真係已經打定輸數
但又基於..阿爸好想我試下..好想我讀到大學
所以我毫不猶疑咁選擇左讀中七..去應考

但係...中七呢一年過得真係好辛苦..
個心都已經知道呢舖一定衰硬...所以我更加..冇比心機落去讀書
好荒廢咁過左中七...去考試.......
不過中間都曾經有一段時間係好比心機..好想升大學..但維持吾耐
又打回原形....真係好懶..hea左個中七...都好辛苦架
見到人地個個成績咁好..狀態大勇再睇睇自己..真係.....我都吾識講

最後..我梗係升吾到大學啦..係就係有張畢業證書....
咁又點呢?人地睇你中七既學歷..吾係淨係睇你有冇畢到業架..
都會睇成績架.........証書..都只不過係一張紙仔...
根本睇吾到你係咪有料之人..要睇既....就梗係睇成績..睇分數架啦

到而家...畢左業..做左差吾多1年野喇..我真係..後悔讀左中六中七呢2年
人地表面睇我係中七畢業...但係..其實我同中五畢業既差吾幾囉..
晒左時間晒左錢.......

我就黎做夠1年野喇..諗住讀返副學士.....點解我一畢業吾讀?
原因都係同之前一樣..我阿爸想我做野..佢覺得副學士冇用..係讀就讀大學!
所以...我又聽左佢講.......做野..放棄左我自己既夢想..社工
而家...又報讀返...係因為...我終於都清醒..
我要行一條自己決定自己人生既路..咁先吾會令自己後悔..
我自己..都有自己既夢想架!!

不過...其實我想講既野..吾係話叫你點揀點揀..

而係想你知幾樣野...
1.) 你而家咁..真係好似我當年咁....打定輸數..根本冇心讀落去..如果你最後同我一樣揀左F.7...你下場同我都一樣..衰硬!!冇心做既野一定做吾好..+做吾到!

2.) 如果你係明知自己一定吾得既..你覺得再死牛一面頸..會吾會係晒時間?

3.) Why not同你父母傾下呢? 平心靜氣坐低慢慢傾下...呢個係必要既!!!

4.) 明知做左會令自己後悔既野...千萬吾好做..

5.) 我並吾係叫你逆你阿爸既意思..只係....想你自己諗得清清楚楚

老實講...我真係吾可以幫你做到決定..始終條路係你自己走既..當時, 由你自己去決定, 去衡量

而家...你一定好難受架喇..試下搵多d朋友傾下丫....
吾好好似我咁失敗喇...我..一共浪費左3年既光陰........

或者你可以搵我傾下丫..我好樂意同人傾計分享架..
[email protected]

打左咁大後回應你..haha..真係好白痴...
不過...真心希望幫到你啦..我吾想再有人好似我咁..失敗

我都感同身受-_-
我既情況同你兩個都一樣
不過我已經揀左中七..
我仲要係12分入中六既添
好似比個天玩緊咁..而家先睇到你條問題 同佢個解答hahaha

你都想快d取到degree，可以search下睇下邊條路快d，你行ive條路係走番轉頭，會行遠左，不如讀一d全日制course - dip for accounting (有d可以excempt晒hkiaat - ate 8張paper，一出來就上pbe / overseas degree (part time) - partime 讀，日頭做野，做account呢行是要不停進修，就算你係practising 的cpa都一樣，讀完(exam pass晒，出左張cert就可以讀qp)

讀完大學3年出到來，咩經驗都無，頭一年同d 無degree的一樣俾人壓價，俾人恰...
但今年過完年，有好多人事變動，d公司無咁多資源放係trainee，通常是請有經驗(1-2年最搶)

我d friend 讀完sub-degree / sub-degree-->degree(speed) 都好難找到工作，反而無咩經驗的中五中七畢業生易d !

點都好，要盡力做好自己! 有咩野要同屋企人講，等佢地知道你的情況，支持你的決定!

其實會考大概十八分或以上的人通常入大學的機會就較一般高,(預科生入大學的機會大概是0.35)
當然還要看看在這兩年會否放棄啦!
故會考二十分的您大概也不用太擔心
何況如果您真係對會計科有興趣,中六、七的課程與ive的也應該差不多的!
的而且確,如果能夠中七高考成績達某過要求再報ive(要求不會太高),
ive亦會提供一年制的會計高級文憑課程(今年ive:21901T,李惠利分校)
不過,您現在驚a-level並不代表您能力差,至少還有很多中六生現在也未識驚
總之,報讀每一條路都有他的出路,無話邊個好,所以不必過份擔心,希望能幫到您,加油!

2007-05-10 21:06:55 補充：
Sorry 呀!那您真的要自己衡量,即是說入u的機會低於0.35