未夠14分(9-12)升到中六有幾慘???

老實講, 9-12分升大學比率唔高, 大約10%或以下. 11-12分勉強可以升中六, 但係10分或以下既要好好考慮應唔應該升中六. AL課程比會考已經深好多倍. CE都攪唔掂, 你要好好考慮下能否考慮下更深既AL. 如果比你上到中六, 最重要係改下讀書態度同方法, 同埋要好好急起直追. 11-12分要比其他更高分既要付出更多, 所以底唔好既要趁得閒要好好補底.

好慘....因為你可能會係班上的墊底王，好多科目都係最尾，而且底子差，好難追，因為中六會有好多功課做，你可能冇時間去做其他野，如果要追返d成績唔係冇可能，你一定要比人多2~3倍的努力，例如晚晚都溫書，冇得睇電視或者放假都要溫書，冇得出街玩等等，而且你可能因為追唔到，而升唔到中7，又要浪費1年的時間重讀中六，而且AL難過會考好多倍，如果AL唔得，有可能重讀中7。如果你諗住唔升大學，其實讀中7係冇咩用，因為出到社會所搵的錢可能小過讀IVE出呢所搵的錢，所以我諗你要有心理準備。
如果你真係升唔到大學，你可以讀完中7，出呢讀IVE，如果係IVE讀得好，亦有機會上大學。

都唔算好慘，話晒都叫做上得到中六，但始終你底子唔夠好，只要加緊用功就可以追得上，加油啊！