肥人著咩衫去grad din好..煩到喊TT

不要太介意自己的身材, 因為已經是事實而且你的同學必定已經習慣你的外表, 只要穿得自然大方便很好。Grad din 只是一晚罷了, 如果你不是最出眾或最差的人, 當晚的焦點一定不會在你身上, 除非你特然由160磅減到110磅..... 說笑罷了。
可以穿褲嗎? 一套深色的短上衣套褲裝看起來腳會長一點。
如果一定要穿裙, 深色的連身裙可遮掩腰間的肉, 但長度不可過膝, 過膝會使人看來矮及老。記得要穿件外套或披肩。如果加一個小小的閃閃心口針, 更能把人的視線放在你的上身。
鞋方面最少要一寸但不要太高, 自然便足夠。

唔好喊啦 ! 肥人都可以著得靚,我自己都係肥人160cm,170幾磅,個pat大個你..成44..
所以每次有重要場合都好似你咁,好煩.其實我自己就覺得,只要有自信心著乜顏色都無問題,反而要留意番自己膚色.其實黑色就一定無死,一條A字型的黑色連身裙,加對2寸以上尖頭高爭鞋( 對我們的身形來說圓頭或平底都會顯得有點笨 )另外最好鞋&袋的顏色可以同一個tone .今季大熱的銀色是不錯的選擇,因為身上的黑色衫很容易被身上其他較耀眼的顏色吸引別人的目光,可做到視線轉移作用.

如果真的接受不到要露小腿,可在連身裙內加條西褲或牛仔褲,做出層次效果,有拉長身形比例作用.再加條顏色鮮艷或誇張一點的長身頸鏈作倍襯,有時代感之餘又不會令黑色太過單調.

我有條全新 黑色連身裙很適合你的,上星期幫個客入貨,做姐妹裙,size is good for you .有興趣留email給我send 相比你睇啦 ! 放心唔會貴.

其實我就覺得唔好著黑色會比較好d。
黑色會睇落去成個人好似short 咗幾串咁..
同埋黑色當一sit down 既時候, 就會成個身形出曬黎..
我覺得白色會令成個人既 feel 拉上咗。
同埋如果你真係覺得自己周身都係meat, 就唔好帶d 好搶既accessories..
反而一個手袋會仲好!
披肩 就比較有d 難襯。
可以著d 到胸到既jacket 仔, 咁睇落去個人會長咗
brands : Recycle [the:] me
Zara
3 concept
b + ab (jacket)
H & M

我覺得你著黑色裙會好似囉....因為著深色既衫的確係睇落會fit d....但你都話係去grad din啦....去呢d場合就緊係要著得華麗D....SO 通常 D人去grad din都會著黑色同白色既裙既....至於你話著半截裙/連身裙..呢個就你自己鍾意啦...但我覺得著連身裙會比較好睇 d囉...講真係可以起grad din之前keep fit...咁咪仲好...最後係鞋....我覺得你唔好著得咁高爭...因為你自己話你有成160lb+上你小腿頗粗所以你BUY D冇咁高爭,但仲有小小爭 既..咁就OK啦...

我覺得著連身裙會好過薯半截裙, 裙既長度最好係係膝頭以上少少, 因為連身裙可以令到成個look簡單d, 另外長度係膝頭以上可以令人覺得修長d. 如果條裙太長(如過膝)就會影得你的小腿很短.

有關顏色方面, 始終都係深色會顯得瘦d既, 只要你唔好選擇d太貼身既款式, 坐底都唔會有太問題既.

至於鞋方面, 高爭會好d, 因為會令到小腿修長d.

希望你快d可以搵到岩心水的衫啦!

點都係要揀黑色!!!雖然話坐低會現哂形...
但係著淺色的話連唔坐低都會現哂形啦!!!!!
況且你坐低時都係食野...搵個手袋放o向大脾上面遮一遮囉~!

半截裙要formal的話就要揀d 鬆身的...例如一d絲質o既百褶裙啦~~~
就睇上去個pat又唔會太大...而且會lady一d~~~千其唔好著d A字裙呀~~
會扎住個pat好大架睇上去~!!

最後鞋呢...如果你小腿唔太粗的話....絕對就係要高爭啦!!
平底會覺得更肥...而且你又唔夠高....高爭咪幫到你望上去高d囉~~
不過你唔係著開的話就要小心!!!!!

by the way...如果小腿真係太粗...
可以試下著對有少少閃粉的絲襪
當然要好透o既絲襪啦~
要人地望上去唔係好覺o個d
唔係阿嬸著o個d肉色絲襪wor~~

閃閃地望上去冇咁肥