邊種倉鼠不咬人？

差不多可以話隻隻鼠都會咬人,但熊仔鼠會好d,我暫未試過俾自己養既熊仔鼠咬過.

養鼠我覺得係養男仔會好d,男仔細個既時候的確比女仔惡,但男仔會愈大愈純,女仔會愈大愈惡.而且女仔大個d既時候,比較易生子宮瘤同發生陰道細菌感染問題,所以我就偏愛養男仔既.

小紫王或銀狐比小灰霸純,但都係熊仔鼠最純的.但熊仔鼠都真係幾大隻,好多人因而愈唻愈唔鍾意熊仔鼠,而且大隻又需要較大既空間,所以養既話要好好考慮先好.

如果怕鼠鼠咬你,可以先了解一下點解鼠鼠會咬人,多數鼠鼠會因為以下幾點而咬人既:
1)鼠鼠咬人多數因為驚,鼠鼠保護自己只係得牙同爪,所以驚起上唻就會用牙同爪去對抗外來者. 鼠鼠咁細隻,其實驚人我覺得好正常,好似如果有隻動物大你咁多倍,一手就拎起晒你整個身體,我諗都會幾驚.所以慢慢唻,俾d耐性同時間啦!
初初買返唻時,頭幾日唔好打擾佢,之後你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
等到你地熟d,好易會做到你一行過佢就行埋唻or冇咁驚你,之後你可以試下伸隻手入籠隻俾野佢食,再熟d再試下掂佢抱佢啦 慢慢唻,俾d耐性,俾心機啦!
2)鼠鼠唔舒服既時候,可能你輕輕一抱就令佢感到唔舒服,又或精神上都會特別敏感,因為自己弱左就更要保護自己.
鼠鼠咬人時要仔細檢查鼠鼠既身體有冇異常,檢查下鼠鼠既排泄物,同埋個籠會唔會有野整親鼠鼠.
3)有第隻鼠一齊住既話,都會易咬人.兩隻或以上既鼠一齊住既話,其實好易會打交, 打交係因為倉鼠本身就係獨居動物,根本唔適合同其他鼠一齊住既. 佢地既地盆意識好強,到發情既時候先會一齊,我睇書講過,外國既倉鼠繁殖場,都係一隻籠一隻鼠,再到交配既時候先放埋一齊一段好短既時間. 成日都keep住要抵抗敵人既情緒,即係較神經質,咁就好易動不動都想咬人.
4)太餓,唔夠野食就會亂咁咬,搵野食.
5)你手有食物既氣味,鼠鼠有機會會誤以為係食物而咬落去.
4)懷孕既鼠都會特別精神緊張,從而成日咬人.

見到你話養一隻,真係好好,鼠鼠係獨居,養一隻十分對!

2007-05-10 00:09:21 補充：
見到有人話要養一對,但其實鼠係獨居,並唔會覺得悶,一對就會繁殖,問題就會更多,希望真係可以養一隻就算啦.原因如下1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既. 2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢.

2007-05-10 00:09:40 補充：
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨…所以鼠店講既野,,唔好盡信,鼠店有鼠死左都唔會俾客人知呢. 4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦. 5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶.

2007-05-12 01:32:07 補充：
想唔難洗就唔好買好多管既,要洗d管真係洗死人,其他一般都ok,地板光滑d就會較"扇水".好密封式既籠先唔會飛咁多木糠出去,但唔多唔少都會有,而且呢類係比較多管既.買籠其實最緊要安全,唔好買d地板同轉轉係一間間好通風既,唔係好易會卡住鼠鼠隻腳.養男仔會較大味,愈老愈大味既添.減低氣味可以勤加打掃鼠鼠習慣排泄既地方同埋訓既地方,鼠鼠都習慣去同一地方排泄.都可以試下用鼠廁所,咁就易打理d,不過唔係隻隻鼠會識用,熊仔鼠會較易識用.唔好諗住買市面話有香味既木糠,d味加埋鼠鼠既味會好臭,又易令鼠鼠敏感

其實隻隻倉鼠都可以唔咬人,睇下你點養

小紫王
女仔啊
小紫王
~和鼠鼠做好朋友~



適應時間:

Day 1 盡量不要騷擾牠，讓牠先熟悉這裡的環境~~~
Day 2 可以親自餵牠吃東西和輕聲跟牠說話，讓牠熟悉你的聲音和氣味。
Day 3-5 可嘗試用手撫摸牠的背部。
Day 6-13 可嘗試抱牠出來。
After 14 days... 牠已經適應你了，你可經常抱牠出來玩耍了。

正確地抱起牠　:　

注意　: 抱起牠時必定要確定牠是清醒的，否則牠會咬你嫁。

方法　: 將拇指和尾指托著牠的腋下，然後把中指放在牠的尾龍骨處，

　　　　整隻把牠拉起，再放在另一手上。

鼠鼠走佬　:　

　　你可以在頗高的地方放一個盤子，在放上盤子上一些牠喜愛的食物然

後再斜放一塊板子讓牠可以爬上去吃東西，那樣，牠便會跌進盤子裡

去了。

邊種倉鼠不咬人，最純？
隻隻倉鼠都咬人架!!!要睇佢既性格.
養一隻，男仔定女仔好些？
其實男倉鼠係乖d架!!!!不過一隻會悶,養二隻啦!!!!
小紫王或銀狐會否純些？？
我覺得小灰霸得意d!!!同埋純d,我自己都養緊!!!

我之前養過倉鼠.........
其實如果你唔搞佢地~佢地唔會咬你...
但如果真係好想抱下佢既話...
但佢又咬你....
你可以帶d手套..令到佢咬你唔痛..
冇耐佢就會唔咬你..因為點咬你都唔放手...
因為我都係咁試~...哈哈
我聽人講唔係要養一對咩...
咁樣會好寂寞架啵@@