貓貓可能大肚, 但又食得好少..好擔心...

🐈 寵物台貓

用戶97582

2007-05-10 12:11 am

我有隻摺耳貓女, 已經有兩歲大, 一直都食好少嘢, 所以偏瘦, 而且最近發情, 所以攞左朋友一隻英短仔同佢配種, 相隔已經有兩個星期, 但貓女比以往仲瘦, 又唔多食嘢, 除咗貓糧, 我嘗示買新鮮魚(大眼雞)去骨比佢食, 但唔肯食, 奶又飲得好少, 我唔知佢有無大肚, 如果係, 好驚佢無營養同無力生BB(平時有食鈣片同維他命丸, 好彩都肯食), 最近我仲發現佢耳仔附近有虱, 好擔心, 如果大肚, 可以用杜虱藥嗎? 我需要帶佢睇醫生嗎?

回答 (4)

臭B

2007-05-10 1:11 am

✔ 最佳答案

....其實, 所有貓女係發情其間及之後, 都會有偏瘦既情況出現, 你就唔使太擔心！

不過, 如果你貓貓咁既情況, 我真係唔建議你同佢配種, 因為以你貓貓既身體狀況 (1. 太瘦, 2. 食量唔多), 佢係懷孕其間, 係好有機會會有情緒病而產生厭食症嫁; 而且, 就算你貓貓真係生到bb, 佢d bb都未必會好健康(輕則可能都係偏瘦, 重則一出生就夭折), 又或者, 佢d bb 會搶晒貓媽媽d營養, 到時你貓貓因為唔夠營養既後遺症仲大, 嚴重既, 仲會有生命危險tim, 所以, 我都係勸你諗清楚係唔係俾貓貓生bb喇！

不如, 你考慮一下同貓貓絕育啦! 如果真係想佢肥返既同0埋真係錫貓貓既, 絕育係一個好好既方法, 一方面貓貓絕育之後, 會自動調節食量 (不過一定要小心控制, 如果唔係佢會痴肥嫁), 咁就可以解決到你貓貓偏瘦既問題, 另一方面, 對貓貓既身體狀況都好d.

至於, 貓貓於懷孕期間, 係唔可以用杜虱藥嫁, 咁對bb同貓貓既身體都唔好！

希望幫到你啦！
祝貓貓身體健康！

👍 0 👎 0