申請特區護照一定要預約？？

我都係o岩o岩換左証, 你可參考以下方法 :

1) 我係用郵寄方法去申請, 由寄信去至我收到信話可以去拎既時間大約3-4星期.
(呢個係我覺得一般最可以懶既方法, 因我上個月整, 一d都唔趕, 所以我用左呢個方法)
2) 你可帶齊文件, 直接9點前去灣仔排隊拎 "醜" (嘻嘻...唔識打o個個字), 咁當然要
帶埋所有文件啦, 係灣仔總部每日都有 around 200 個 "醜", 大約要2星期倒就有.
(呢個係我當日拎証時聽到有個男人問個職員既, 當時個職員話每朝都會派200個
"醜", 但每日都會有好多人排隊, 所以可以既就早d黎排隊, 因如當日一派完o個
200個"醜", 下晝就唔會再派架啦, 所以...最好早d)
3) 好似方法2咁...一早去排隊拎"醜", 但你要帶多樣野...就係機票o個類野既証明,
(如機票, 旅行社o個d可以証明你係某某個日期要離開香港既証據) 我見過有2個
個案 :
一) o岩o岩個復活節, 我有個朋友( Y 先生)佢係出發前3日先知要去台灣, 但佢個特區護照
過期, 所以佢一早就去拎"醜", 佢帶齊所有文件, 當然包括機票証明啦....到最後
佢係出發前就已攪掂個護照如期出發.
二) 呢個仲勁, 我個朋友 (即Y 先生) 咁肯定可以係3日內攪掂個特區護照既原因係,
Y 先生既朋友, 佢係3個鐘內就攪拾個護照啦, 聽佢講, 因佢朋友係第二日就要
離開香港, 但未攪好個護照, 咁佢又係帶齊文件, 去灣仔總部攪...結果, 見完o個到
既職員, 交齊野後, 等左3個鐘就拎到, 咁你計返, 一早去排隊等佢9點派"醜", 之後
等見職員, 咁當係1個至個半鐘倒, 見完後等3個鐘...咁咪即係下畫就有囉...

所以我覺得你會趕得切, 只不過係你請唔請到假去整姐.....right!! ^_^

由二月起己不會為外遊原由做（快証）

特區護照無急証架!!

我係元朗果間整，就９點派籌囉，( 我諗間間都一樣既 )
我８點半去到都已經６０號籌...
８點去排都應該無問題架啦 !!!!!

整護照10個工作天，不計Sat, Sun !!
所以如果你６月１去都唔駛咁驚，
應該整得切！
不過預鬆Ｄ,, 依幾日去整囉！

不過記住帶齊所有野,,如果唔係就麻煩啦!!

if you go early at 8am... mostly, you will have a chance to apply.

請留意，依家申請特區護照已經沒有快証！

最快的方法，你可以直接到灣仔的總部，那裡的櫃位有很多，不太易額滿，我記得如在星期六申請，只要你11點前去到他們總部申請(不需要預約)，都會有名額給你！

希望幫到你！

最好預約左先!!!!!!!