✔ 最佳答案
拱北海關基本上好快, 10分鐘之內, 如果唔多人時3分鐘都ok, 因為用的是回鄉証, 佢地電腦裡面有齊資料, 所以過關可以好快。
而過澳門海關時, 由於用的是香港身份証, 澳門海關係冇資料在電腦入面的, 所以就會好似你去外國一樣, 要慢慢輸入及處理, 正如澳門人過香港海關一樣, 唔會快, 所以呢一點係可以理解的, 不過其實都唔會太慢, 唔多人的話幾分鐘就搞掂, 多人的話15分鐘, 當然如果大時大節就例外。
由澳門關口去機場, 可以在一出關口的樓下有巴士站, 正如上面位網友所講, 搭AP1啦, 要超過30分鐘時間, 唔好彩的話, 連等車在內要成個鐘。
如果行李比較多, 就在一出關口的的士站搭的士啦, 去機場大約40--50元左右, 約10分鐘就到。