擺酒可以唔玩新郎新娘嗎

我有幾個friend同埋親戚擺酒都無玩新郎新娘嘅環節, 佢地多數會播短片, 分開幾段喺飲宴嘅唔同時間播, 同埋佢地會逐檯同來賓影相. 試過有次婚宴, 新人安排咗朋友表演唱歌, 又有一次, 新郎玩晒樂器唱晒歌俾新娘聽, 新娘事前唔知gar, 搞到佢鬼死咁冧.
每個婚宴都會有MC主持, 搞下氣氛, 試過有次MC要D來賓出來玩遊戲, 都幾搞笑, 但我就覺得搞到好似公司annual dinner 咁囉.
其實我覺得婚宴都係大家鄧一對新人高興嘅show來啫.

無野話係唔得嘅....
但講真唔玩新郎新娘又真係無咩可以做......
會有幾多冷場.....

證婚.....
你唔會想人家一路食緊野一路睇住你兩個係度山盟海誓.....
你都想佢地停低唔食住齋睇卦.....
咪一樣有時間空咗出來.....

影相....
食食吓野又要補返個妝至影得.....
唔係人人都鍾意架.....

結婚係人生難得成為主角的日子.....
當然係成晚嘅焦點啦.....
唔想俾人玩都無理由俾其他人做咗主角.....
喧賓奪主......

其實點解唔想玩新郎新婚先.....
因為怕羞..... 怕尷尬..... 怕玩三級遊戲..... 怕長輩們唔高興....

如果係怕羞....
咁真係好難幫你..... 就等個場冷清清算啦......
不過咁大個人..... 結婚添啦..... 要成熟架啦..... 有啲野係始終都要面對嘅......

怕尷尬.... 怕玩得過份.....
咁.... 就唔係唔玩..... 而係仲要有安排咁玩......
要預先安排好個可信任嘅司儀.... 仲要有返咁上下功力嘅.....
玩啲你地可以接受嘅遊戲.....
其他人想埋身.....
一於話大會安排咗節目..... 推晒其他人嘅......

真係唔想玩遊戲.....
咪由一對新人致詞.....
大家講返段說話.....
唱首歌......
多謝父母......
送份禮物俾父母.....
夠晒溫馨感人.....
又或者講吓大家點認識嘅.....

再唔係....
播返朝早接新婚的片都得嘅......

我未結婚啊,不過恭喜你地兩個先,祝你地白頭到老啦!

我諗唔一定要玩新郎新娘,呢啲都只不過係傳統野卦

如果唔玩新郎既不如,玩來賓啦,叫啲朋友出去表演唱歌,跳舞

或者請朋友,長輩出嚟講下感想之類

再唔係就叫伴郎伴娘代替你地出嚟玩,咁就有得玩又有得睇

唔會空左個台係度啦XDD(隨時幫埋伴郎伴娘發展添XDD)

宜家好多新郎新娘都唔想比人玩,
所以係婚禮度請律師證婚,
同埋播長D條片, 可以播2條片,
一條開宴前播, 一條食食下播,
再敬埋酒, 其實時間都差唔多,
我本人都唔讚成玩一對新人.

當然可以, 尤其而家愈來愈唔同形式既飲宴, 以前例牌既野而家已經無...
如果你地打算唔玩新神新娘, 都可以比賓客同主人家映多幾張堂相啦...
一世人一次... 自己開心最重要.. 唔洗理甘多繁文縟節啦