化妝問題?

1. 底霜其實即係make up base
可以令個妝貼面d同均勻膚色
base有好多種, 其中有d係有色既, 呢d就係調色底霜(調色液)
作用係幫你矯正膚色, 中和d唔同色既印同瑕疵
例如面黃既就可以用紫色base中和返, 紅印就可以用綠色, 黑眼圈就可以用黃色/橙色, 面青就可以用粉紅色咁
粉底其實係指所有既粉餅、兩用粉底(粉餅)、濕粉底等等
粉餅會係乾身d, 同埋粉狀既, 可以用粉樸上
兩用粉底都係粉狀既, 但係就可以濕用同乾用, 遮瑕度比濕粉底高, 而且比較方便
濕粉底就係液體狀, 會係最貼面同透薄, 一般可以用手指、海棉同濕粉掃上
粉底既作用就均勻膚色, 令d皮膚睇上去滑d靚d, 打好個底比之後有顏色既化妝品
用既時候係先搽base, 再上粉底
2. 遮瑕筆係遮瑕用品既其中一種
除左筆形, 仲有膏狀同液體狀既
作用係遮蓋面上瑕疵
其實如果面上唔係太多瑕疵, 粉底本身既遮瑕度又夠高可以遮到既
可以唔駛用
3. 用左乾粉可以唔駛用濕粉
因為佢本身已經係粉底既一種黎
乾粉一般都會厚d, 用左濕粉又用乾粉既, 效果可能會比較厚
4. 乳液係保濕用既, 通常都係白色液體狀既 (有少少似牛奶咁~)
精華入面既有效成份就會濃d, 係想增強某d功效既時候用既
例如保濕精華, 就係為左增強保濕既效果而研發既
5. 唔一定要
基本上你用濕粉/乾粉既話, 就唔一定要有埋兩用粉
就算補妝, 除左用兩用粉, 用粉餅或者碎粉都係可以既
不過第一次化, 兩用粉相對會易d控制同方便d, 效果又唔會太差
一般化妝既次序係:
如果用濕粉
base->濕粉->遮瑕->碎粉->眼影、胭脂等->睫毛液
用乾粉/兩用粉(乾用)
base->遮瑕->粉餅->眼影、胭脂等->睫毛液
兩用粉(濕用)
base->遮瑕->噴濕粉樸->印上粉底->用乾粉樸再輕輕印上粉底->眼影、胭脂等->睫毛液
上睫毛液之前應該先化左眼影先, 唔係d眼影粉會痴晒上d睫毛度架

我就覺得簡單d會易用d, 你想搽base貼d, 你可以係上base之前搽一些清爽既精華素打底, 這樣效果更明顯. 我會介紹你用韓國laPettle. 另外我朋友之前去完韓國, 佢話比我知韓國人原來宜家流行用一d叫做"baby cream"的粉底. 這個"baby cream" 已代替Base,粉底及遮瑕膏之用, 遮瑕度一流, 而且十分貼面. 我朋友買咗幾隻牌子: Missha, marie claire, banaila co...(唔記得咗). 我在大約2星期前發現旺角兆萬地庫有個箱仔有得買韓國入口貨, 而且都有baby cream賣, 但係就只係得試用裝仲係賣$5咋, 我試用咗後覺得超好, 仲唔駛用遮瑕膏勁方便. 我再去掃到佢地無晒貨, 唯一唔好就係無得賣大支裝. 不過1包試用裝勁多, 我可以用到2日架!!

** 洗完面後用toner, 清爽既精華素, cream(if need), 之後用baby cream, 最後用碎粉. 噤就完成粉底既程序嘞 **

希望幫到你啦!!!

1. 底霜=make up base,調色液係用來調節膚色(如偏黃或偏紅),粉底=foundation分為濕粉,乾濕兩用粉或粉條
2. 唔一定,但如有暗瘡印或黑眼圈或任何瑕疵可用來遮掩
3. 濕粉的作用是用來均勻膚色的,如你覺得自己的膚色均勻,唔用都得既. 乾粉係用來定妝 令搽左的濕粉無咁易溶,淨用乾粉塊面會望落去無咁油同滑d囉
4. 唔同精華有唔同作用,通常用來保濕,美白咁啦
5. 唔一定,係粉底既一種,視乎你的膚質或自己的喜好而定
steps:1.make up base 2.foundation 3.concealer(if needed) 4.乾粉
之後就可以畫眼影,胭脂,唇膏喇

(你下次最好比多少少分啦,我打得好鬼辛苦呀)

化妝程序: 有 ( ) 即表示, 不是必須品。

潔臉 --------- 洗淨臉上污垢才可化妝, 否則很容易長痘痘哦!
調膚水 -----> 眼霜 ------> ( 精華素 ) -----> 乳液 ------>
防曬 , [[ 陽光是皮膚的殺手哦! 一般選擇SPF 30 已很足夠的。]] ------>
( MAKE UP BASE,調色液 ) ------> ( 遮瑕膏 ) ------>
濕粉 ------> 乾粉 ------> 胭脂 ------>
( 眼影 ------> 眼線 ------> 眼睫毛液 ------> )
潤唇膏 ------> 唇膏 ------> ( 唇彩. )


精華素 --------- 有各種不同功效, 如保濕 ; 防皺 ; 美白 ......。 因極為濃縮, 固有效針對皮膚各種問題。

乳液 --------- 也有分有各種不同功效, 如保濕 ; 防皺 ; 美白 ......。 但最主要作用是保持瞼部水份, 及保護皮膚不受空氣中污染物直接傷害。

MAKE UP BASE,調色液 -------- 改善膚色 。有白色、 紫色、綠色、粉紅色等......調色液可令膚色看來更均勻, 但不是必須品。基本上一般粉底已經可以改善膚色不均勻的情況, 在使用調色液時要留意會否過量而引致皮膚變得過白。

粉底 --------- 有粉條 (較厚) 、濕粉餅 、 粉底液 (較適合初懂化妝人仕, 看來比較自然)
各式粉底由淺色至深色, 有不同色號, 可選擇跟自己膚色較近似的。 購買時別塗於手背試色, 因手跟臉的膚色有時可相差甚遠, 可直接塗面上或頸部試色。

遮瑕膏 ----------- 有盒裝或筆形的, 但不一定要用。 與MAKE UP BASE功能類似 。 用以掩蓋臉上暗瘡/疤痕/印 /黑眼圈...... 。

碎粉 ( 乾粉 ) -------- 我建議選擇透明色即可。 塗完粉底後, 看起來是濕濕的, 掃上碎粉可令妝容更自然、持久。

乾濕兩用粉 ---------- 是補妝必須品。 又有些不太懂化妝人仕, 會以乾濕兩用粉 代替 塗濕粉和乾粉 這兩個程序, 也是可以的。

hello, 我係亞紫，現正於zing the make up school讀專業高級化妝課程。希望我可以幫你解答問題啦^^
學化妝前，首先要了解各化妝品的功能、配搭和使用的方法，以下是一個化全妝的步驟，已經包括了先後的次序、步驟﹔使用的原因、方法﹔要注意的事項和我推薦你使用的牌子。

一、化妝前的清潔和保濕
(1) 徹底清潔面部，包括骯髒的塵埃、汗水、油份、太陽油、化妝品等
原因︰保持毛孔清潔，避免堵塞，為保濕作好準備，讓護膚品更易吸收，提昇皮膚狀態
方法︰如果太髒，可以先用洗面產品清洗，然後用棉花拍上含有水份的化妝水
產品︰Bioderma 的Sebium H2O(適合混合性和油性皮膚)
或Sensibio H2O(適合乾性和敏感性皮膚使用)

(2) 滋潤面部皮膚
原因︰提昇皮膚狀態，使妝容更持久，不容易出現出油和浮粉的情況
方法︰將保濕產品放於掌心，然後塗抹於面部，直至完全吸收為止
如果皮膚很乾燥，可以厚厚地敷上一層，等待皮膚吸收，不用抹去多餘的
產品︰Nars 的 Aqual gel (可以晚上敷著睡覺，第二天便可以更上妝)

二、底妝
(1) 塗抹濕粉
原因︰初步平衡皮膚的顏色
方法︰將一瓶較深色的濕粉與較淺色的濕粉與掌心混合
調較至最接近你的皮膚顏色
用手指塗抹在較乾燥的位置上(面頰-->下巴-->額頭-->鼻樑-->眼蓋)
再用海棉印勻
不要以為用較淺色就會使自己的皮膚白一點，因為你頸部的皮膚會出賣你
也不要用太深色的濕粉去遮蓋紅印，因那是遮瑕膏的工作
**如果皮膚狀態好，又唔想個底妝咁厚，可以用精華素溝濕粉，越多精華素，個妝的濃度就越薄，你的膚色越容易現出來**
產品︰NARS, Armani,
***可混合面上仍未吸收的Aqual gel，使滋潤度更高***

(2) 遮瑕
原因︰修飾不均勻的皮膚顏色，遮蓋瑕疵(黑眼圈、紅印等)
方法︰用手指或遮瑕掃將遮瑕膏印在有需要的部位，以貼近膚色為標準
- 黑眼圈︰用遮瑕掃把偏橙色的遮瑕膏印在最深色的位置(如眼肚)，然後輕力向上和左右印開，不要超過黑眼圈的範圍
- 紅印︰用遮瑕掃把接近膚色的遮瑕膏印於紅印上，不要超出紅印的範圍
- 下垂的眼尾︰很多人的眼尾都有下垂的三角位，用遮瑕膏遮蓋可使眼睛看上去精神一點
由於遮瑕膏容易走位，所以一印完遮瑕膏就最好馬上用海綿印上乾粉，份量多些也無所謂，以便固定遮瑕膏的位置。
產品︰Nars, cover mark

(3) 上碎乾粉
原因︰固定妝容，更持久
方法︰用碎粉掃蘸上碎粉，均勻地掃於面部，這個方法較自然﹔用海綿上碎粉就較厚和實
必須用手確定面部乾爽，再上其他化妝品，否則很難推開
產品︰Laura Mier, Nars, Armani
* 乾粉分兩種，一種係碎粉，一種係粉餅，功用不同。碎粉係濕粉後馬上掃上的，出街補妝的就用粉餅，方便攜帶，不過都建議用碎粉來補妝。

三、眼妝
(1) 畫眉
原因︰令眼部看上去更有神，初步勾畫眼部輪廓
方法︰ 眉粉或眉筆或眉gel均可
產品︰Bobbi brown, Mac, or Nars (blondi)
不懂修眉的話，可以去請人幫你修，例如bobbi brown的化妝櫃檯就有這個服務
***用眉粉會自然D，眉筆就比較實，眉gel適合多眉毛的人﹐顏色方面可以選用淺啡和深啡***

(2) 眼影
原因︰令雙眼大而有神，增加神采
方法︰用手指或眼影掃上
深色的眼影應在眼尾4/5貼近睫毛的位置落色，然後向眼頭方向掃，然後再向上掃
範圍不要超過眼蓋，每次加色都加在同一位置，就可以營造漸變的效果
淺色的眼影，例如粉色的、帶閃粉的就在眼蓋中間落色，然後向左右掃開
產品︰eye shadow - Nars; 眼影掃 - KP
***選用淺色及帶有shimmer的眼影可令眼睛看上去更有神采，亦可用米白色的眼影抹係眼尾的眉骨上面，作high line，突出輪廓*****

(3) 眼線
方法︰眼線筆(最容易控制)、眼線膏、眼線液(最難控制)
用筆畫眼線時一定要貼近睫毛，並且要填滿睫毛之間的空隙
眼頭和眼尾都要仔細畫
可用同色的眼影覆蓋在眼線上，令眼線看上去更自然，也有固定的作用
產品︰Nars, bobbi brown, Mac, make up forever
*****白色的下內眼線令雙眼看上去精神D，最適合你唔夠精神的時候用****

(4) 睫毛液
方法︰先用睫毛夾令睫毛翹起
再塗上睫毛膏，塗時可用紙巾覆蓋眼蓋，防止睫毛膏弄花了你的眼影
刷睫毛膏時要從根部開始，每一條睫毛都要均勻
想濃密一點的可以重覆刷兩、三次
產品︰HR (持久，不脫色，但很難清潔，必須同時購買HR的落睫毛膏的清潔液)
* 睫毛base的功能係保護睫毛，有些更有增長的功效，通常係無顏色的﹔而睫毛膏則有分不同的顏色及功效，例如更捲曲、更長、更濃密等。

四、其他部份
(1) 嘴
方法︰唇筆(突出或改唇形)、唇膏(突出顏色)、唇彩(富光彩及單用較自然)
產品︰Nars, Make up forever, Lancome

(2) 胭脂
原因︰令自己看上去較精神，面色較佳
方法︰用胭脂掃上面頰(蘋果位)
產品︰胭脂 - Benefit, Nars, Dior﹔化妝掃 - KP

妝容的重點是眼影、胭脂和嘴，如果眼影已經好勁，就應該以淡一點的胭脂和唇彩平衡﹔胭脂勁的，就用淺一些的眼影，如此類推。避免太強的妝容，給人濃妝艷抹的感覺。

最後，以上的化妝品和化妝掃都是我們用過而值得信賴的牌子，由於你初學，所以更要懂得選擇適當的化妝品和化妝掃，否則買了回來卻不好用或不合你用，更浪費錢。而化妝掃是覺得值得你花錢去買的，因為品質優良的化妝掃可以用十年以上，保養得好，更可以用一輩子。所以，我建議你花多些錢在工具上，反而眼影、胭脂等，你可以買便宜一點的，當練習吧。

希望幫到你啦^^