我想問搽響蛋糕上面/唧花既忌廉係點樣整?
聽人講話夾響蛋糕中間果層既忌廉係用淡忌廉(液體狀)打成；而蛋糕面唧花花既忌廉，最好係用甜忌廉(即超級市場賣一支噴出黎果種)，但係如果我自己用電動打蛋器打淡忌廉，會唔會做到甜忌廉既效果呢?
我用電動打蛋器試過幾次都失敗左。我將糖霜同埋雲呢拿香油加落個淡忌廉度打(打蛋器之前放入雪櫃雪過，而我打果陣已經用左冰水座住黎打，據聞咁樣做就唔會令忌廉易溶。)但我打左約15mins，d"忌廉"只係變成"杰"左少少既液體狀，個樣同味道像似溶左既雲呢拿雪糕，唔知點解會咁?
之後試過咩都唔落，就咁用電動打蛋器打d淡忌廉，好快就變左好似甜忌廉(企身)咁既樣，我試過味道係唔甜的，所以打完之後加左d糖霜落去，點知攪勻之後佢變返水 =.=" 好明顯係又失敗左啦。
咁究竟我應該點樣打D淡忌廉先至又企身又甜呢?係落左糖先至打還是打完先至落?同埋點樣令個甜忌廉響搽上蛋糕時冇咁易溶呢?
有冇人可以幫手解答呀?謝謝!
關於用電動打蛋器打忌廉的疑難
2007-05-09 7:28 pm
回答 (3)
2007-05-09 7:39 pm
✔ 最佳答案
靚仔餅神Tony (帝苑酒店餅房總廚)條"方程式"應該okay:淡忌廉 500g + Caster sugar 37 1/2 g
一樣啦！都係要有耐性打耐少少。名堂就叫香蒂莉忌廉 -- Chantilly Cream
節錄自《五星級蛋糕甜品》第13頁; 作者：Tony Wong
忌廉唔洗放室溫,要凍凍地打至會起ga......
忌廉要一開始就用高度打,唔好時快時慢,仲要順一個方向打(用電打蛋器都要起碗入面轉),如果唔係會打唔起ga
另外工具一定要十分清潔和乾才可以打淡忌廉，否則打不到。
參考: 美味DIY
2007-05-12 8:25 am
淡忌廉，會做到甜忌廉既效果
要先把淡忌廉打到企身,才加糖(砂糖)
不要加液體落去淡忌廉度呀!
要先把淡忌廉打到企身,才加糖(砂糖)
不要加液體落去淡忌廉度呀!
2007-05-09 8:43 pm
淡忌廉唔可以做唧花效果，要用甜忌廉加唧袋及咀才可以的。
發淡忌廉唔可以有油，你落左雲呢拿香油，所以就打唔起，你試下唔落香油再打，睇下會唔會打得起呀!
我唔知你想用淡忌廉做什麼? 如果你做蛋糕的話，就不用理它企身及甜的問題。記住打淡忌廉時不可打太過企身，打至八成左右就要停手，因你將淡忌廉加再蛋糕料時，你會再攪動的，所以餘下兩成是給你攪勻用的，如果淡忌廉打過太企身，會影響蛋糕做出來的效果。
糖可以加淡忌廉一起打，如果你在其它材料已加糖就不用加在淡忌廉一齊打，因你會將淡忌廉及其它材料撈埋一齊的。
甜忌廉亦都要打至企身，然後用唧筒唧花，不同的唧咀會唧不同的花樣出來的，如果怕煩就可以買即買即唧的甜忌廉，甜忌廉不是太快溶的，同埋你食的時候才從雪櫃櫃出來是沒有問題的。
希望我可以幫到你啦!
發淡忌廉唔可以有油，你落左雲呢拿香油，所以就打唔起，你試下唔落香油再打，睇下會唔會打得起呀!
我唔知你想用淡忌廉做什麼? 如果你做蛋糕的話，就不用理它企身及甜的問題。記住打淡忌廉時不可打太過企身，打至八成左右就要停手，因你將淡忌廉加再蛋糕料時，你會再攪動的，所以餘下兩成是給你攪勻用的，如果淡忌廉打過太企身，會影響蛋糕做出來的效果。
糖可以加淡忌廉一起打，如果你在其它材料已加糖就不用加在淡忌廉一齊打，因你會將淡忌廉及其它材料撈埋一齊的。
甜忌廉亦都要打至企身，然後用唧筒唧花，不同的唧咀會唧不同的花樣出來的，如果怕煩就可以買即買即唧的甜忌廉，甜忌廉不是太快溶的，同埋你食的時候才從雪櫃櫃出來是沒有問題的。
希望我可以幫到你啦!
收錄日期: 2021-04-12 21:27:32
原文連結 [永久失效]:
https://hk.answers.yahoo.com/question/index?qid=20070509000051KK01120