有冇人可以教教我做sales 技巧???(急急地...)

現在的 sales 好多野要留意, 你可以去扮買衫, 學下人地點 sell, 你係客時喜歡 D 咩, 唔喜歡 D咩, 到做番 sales 時就要留意唔好犯人地嘅錯.

切記 : 你 sell 野個時,唔係要攞個客 D 錢, 而係要幫佢揀, 幫佢諗, 點樣令佢開心地離開, 買得啱, 買得抵, 唔使番轉頭退換就最開心, 佢以後會番轉頭揾你去招呼佢. 冇返頭客的店, 幾好幾平都係三個月執得.總之係為佢著想, 以客為先. 由佢經過門口開始, 就要諗點樣為佢提供方便. ** 呢樣極之重要 **

切忌 : 吊高把聲講無謂野, [咩隨便睇隨便揀] out 啦, 要講得簡單,
講下有咩折扣, 要試咩衫可以搵我, 我叫 Peggy (之類, 要簡單)重有用, 千祈咪走得太遠, 你就算好忙, 都要時不時留意佢有冇需要人幫手

早十分鍾返工, 得閒多 D 睇下 D 產品, 用自己鍾意 邊 D 產品開始, 較容易記, 唔鍾意要想想點解唔鐘意, 務求要留下印象, sell 客時講講自己喜好, 自然 D ,聽落都比較有自信, 好似同朋友傾計咁, 就唔會太死板, 較易成功.

雖然我未曾做過sales, 但可以給你我的個人意見的。其實先不要理會每日一定要做到幾多錢的生意額/營業額。首先你必定要注重儀容，因每個客人/顧客除了看中心目中想要的東西，他們也會留意你的樣貌、裝束是否乾淨、整潔的。如果你公司有提供制服就最好，否則你要穿着令自己及顧客一看上去簡潔、舒適的服飾。不要着太 in 或隆重的衣服打扮，以免嚇得他們以為你那間店舖賣好貴、很高檔的貨物。

跟住要注意你對顧客的態度，無論你長期站立工作有多累，都要經常保持微笑、語氣要適中及有禮貌。他們進來選購貨品，你只須講「歡迎光臨，隨便看、隨便揀。」除非他們有需要你提供選擇意見或幫忙拿取新貨，不然你站得稍為遠些少、要與他們保持距離，雙眼可看清楚些少他們有否盜竊，可是千萬不要瞪眼直視他們！在他們揀選期間，你不要在他們身旁插嘴或像『跟尾狗』跟隨，這樣做會使他們渾身不舒服之餘又毫無禮貌！他們詢問產品用途保養問題等，你要保持笑容、有禮貌地作出適當說明講解。就算到頭來他們決定不買而離開，你亦不可樣子『黑個鍋底』、語氣即刻虎衍及不友善！你應該保持平常心對他們說『希望他們下次再來挑選適合的物件』才對。

同時你也要特別仔細整理櫥窗貨品的陳設、店舖及貨物的整潔，一定可吸引到顧客的青睞，也給他們有舒適的感覺。即使那天沒人來光臨，你可趁那段時間去執拾理貨，說不定他們看到認為無拘束便好自然進來逛看購物。若然你那間店舖有貨物做緊special offers or discounts, 你也可告訴他們讓他們想想應否多買點東西。做sales 同顧客的關係就如心理戰，不論他們做或講甚麼，他們永遠都是對的！不要因他們有complain (投訴), 你就同他們鬥嘴，反而他們會越吵得厲害、關係也好僵持！你應該細心聆聽他們的訴求而之後作出客觀正確的解釋，令他們明白知道你真正瞭解問題所在。最後他們是對與錯，你也要誠懇同他們講『對不起、不好意思』。只要你記住以上各項的話，你那間店舖會「客似雲來」的。而且你要放鬆心情，不要給自己太大壓力啊！

2007-05-11 19:46:33 補充：
這些經驗都是平時我在逛街時留意累積回來的。你可以趁假日的時候，你自己或找家人朋友陪同下，到一些連鎖式潮流衣服店舖如 Bossini, U2, Bluestar, Girodano, U-Right 裏看衣服期間，多點注意他們 sales 的言行舉止有什麼值得你借鏡，記住他們最好的Selling methods (推銷方法)，但切記不要重覆他們『壞』的！你會在那裏見盡customers/clients (顧客/客人) 與 sales 溝通技巧。

2007-05-11 19:49:00 補充：
你將自己化作顧客角色，多點為他們設想喜歡及討厭甚麼。在適當的時候，你可自然地同他們以朋友般傾計(聊天)，要視乎他們想否傾談才這樣做吧！他們買了你的貨物離開時，你要主動禮貌地講：「多謝晒！下次再來光臨，bye-bye!」記得要面帶笑容、誠懇的語氣呀！無論你是新來抑或做了好久 sales, 要記住提早15分鐘回到公司/店舖，準備開工細節、想想怎樣令到顧客可高興地挑選去買、愉快地拿着『戰利品』離開。他們若然有甚麼意見或提議，不妨抄下來好好地改善使你自己做得更好。

參考吓劉德華先生個廣告囉