我的4個開眼只有4天倉鼠BB和倉鼠媽媽不辛被太陽晒死..........................

唉,見到你個問題,真係好難過..如果你會再養既話,我建議你真係睇多d有關倉鼠既資料先再養,而家上網咁方便,要搵資料並唔難.但當然,搵到既資料都有機會會錯,都要加上自己既分析先得.

其實鼠鼠對熱係特別地怕.鼠鼠本來居住在沙漠地區,但鼠鼠日頭會訓覺,訓在地洞,地洞唔會好熱既,而鼠鼠在夜晚活動,沙漠夜晚既溫度會涼d既.所以鼠鼠唔慣面對好熱既天氣.
根本放籠既地方係要陰涼既位置,所以根本唔需要曬太陽,太熱好易會中暑而死既.

睇返你2002年既經歷,買一男一女既鼠,之後死晒d bb,一對鼠就扔左...其實要鼠鼠生bb係好易d bb死晒,點處理d bb唔再多講了.

其實我個人就好反對人一籠多鼠,用鼠唻繁殖就更加反對,原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既.
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢.
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨…所以鼠店講既野,,唔好盡信,鼠店有鼠死左都唔會俾客人知呢.
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦.
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶.

睇到你相片中既籠,唔知係咪平日俾鼠鼠住既籠,定只係裝屍體呢?其實咁細個籠就唔適合鼠鼠住,鼠鼠會因缺乏運動而生病,希望你之後養既話都會留意一下啦.

而家事情都既成事實,只好當吸收教訓啦...記得以後再養鼠或其他寵物前,諗真d同睇多d相關資料先好呀...唔好咁傷心啦..

2007-05-10 15:01:32 補充：
其實我相信都有好多人係想鍚鼠鼠既,只係錫鼠鼠其實都要用對既方法先真係錫,唔係話個心錫就係既.用錯方法既話,除左害左隻鼠,自己都唔會好受.實在太多錯既資訊,有時都明白好難令人信同鼠店相反既另一套方法,不過我講既野,大多數係由生物學角度加埋自己既經歷去講,希望有多d人會相信啦.唔一定要唔養鼠鼠,只要肯用心去關心鼠鼠既野,真係有信心處理得好,先再養都唔遲.好明白激動既原因,我睇到鼠鼠咁慘,都感到好難過.

好慘啊...

倉鼠是不能被太陽直曬的, 另外, 你的籠子size太小了....

你可以先參考一些養鼠的資料

上面位朋友那麼激動, 可以理解的, 但唔係話以後唔好養, 只不過係要比多d耐性同參考多d資料先

你真是一個不盡責的主人呀....

希望你唔好再養了, 我不想你再累死任何動物!!!!!

動物也是生命, 你既然決定飼養牠們, 你就要負起全責去好好照顧你的寵物,
現在, 因你的疏忽使牠們不幸離世, 你還post牠們的死亡照片出來呀????!!!!!


希望你好好反省一下

2007-05-10 13:42:18 補充：
回答時係有d激動因為我收養過為數不少被主人虐待既倉鼠其中一位主人仲話實驗過"只要用力扼住倉鼠心臟30秒, 倉鼠就會即場死"...有d就養埋一堆, 睇d倉鼠互相殘殺...!!!有一位係自己屋企窗口拋倉鼠落街, 佢女友唔忍心, 執返倉鼠返黎, 幸運地鼠鼠無死,但就四肢殘廢真係唔希望再見到有人甘樣虐待小動物