本人38歲,因早年投資失利,欠下巨債,又失業又失婚,想自殺,後認識一女,

其實你的數目不算很大.. 很多朋友都是欠過百萬才申請破產, 不過我個人認為你入息太少, 三十多萬對你來說亦冇可能償還, 做IVA(債務重組)亦不會被接納.. 不過這只是我個人意見, 申唔申請破產你可去一d社會服務機構查詢, 例如明愛向情軒, 佢地有免費法律咨詢..

現解答你問題:
1).我有一層居屋,一直都是媽媽幫我供,但名是我同前妻兩人的,到現在都未轉名,點算呢?
關於你層樓, 有兩個做法, 一,是立即轉名, 二, 不轉名, 破產處會收左你層樓, 再賣返出去, 賣倒幾錢會自動入去你的破產戶口(當然不會經你, 錢會自動還比你的債主), 而賣幾多你亦控制不到..

2).我前妻的半份可以取回嗎?點取呢?(前妻已離開香港去咗台灣,唔知聯唔聯絡到..)
應該是可以的, 因為這不是你自己個人的物業, 但詳情你必須自己和破產官傾

3).聽說扣除必要支出後要還債,我月入6500唔知有無餘錢還,會唔會唔比我嘅申請破產呢?
絕對不會, 除非你刻意向銀行申請大筆貸款後立即破產(是犯法的).. 否則冇人可以唔比你破產。另外, 破左產之後, 如果証明你的收入真的無餘錢還, 是不用還款的, 但因為每個人的case都不同, 個官好唔好人又唔知.. 有些會迫你還, 有些卻會體諒你.. 因此真係要講運氣

4).破產期內可唔可以結婚,擺酒,渡蜜月呢?(我女朋友話幫我負責結婚所有費用,一定要結婚)
可以結婚, 但婚後你和你老婆的入息要呈上, 然後重新計算過你地既收入同支出, 增加或減少你既還款額, 即是如果你老婆搵得多錢, 咪要還多d, 你老婆搵得少錢, 咪還少d咁解.. 其實有咩係唔做得呢? 所有不是生活必須的開支都唔得.. 所以唔可以去旅行, 但如果有人請就得.. 所以你擺酒, 有人比錢你擺咪得lor.. 而禮金收入亦要呈上, 佢有權要你用黎還錢..

5).破產期內有BB，可否增加日常開支呢？
一定可以., 會還少d錢

6).如果同女朋友租屋住，屋租雜費係咪要SHARE先報日常開支呢？
係.. 但講你知, 個官是有權唔比你呢樣唔比你o個樣.. 我個fd就有次個官唔比佢自己一個人住, 要搬返屋企住以減低開支..當然, 點講你自己可以控制.. 例如唔搬得返屋企的理由

7).破產期內想進修，學費可唔可以報入開支度呢？
個官好人的話是可以的.. 而且都會鼓勵, 但係要讀正經的.. 咩興趣班o個d一定唔得la.. 但讀張cert. (大學) o個d應該是可以, 亦可當開支.. 當然都係同個官傾

8).破產期滿後，見工時要提及嗎？
沒有必要..

9).申請破產時係咪要填欠那些銀行錢，漏報會點呢？(因為有些太耐無追数，怕漏報咗..)
不可以漏.. 連欠人錢都要報, 二來你報左, 債主就不可以追你, 你有著數ga.. 搞清楚先la

10).申請破產後仲供唔供樓好？(現在已經欠供兩期，仲欠約一年管理費..)
供唔供樓唔係你決定.. 個官多數唔會比你咁.. 因為破產人士點能夠有自己的物業?? 咁你咪好so.. 有樓都仲破產.. 唔得ga~

希望幫倒你la.. 打到手軟呀.. haha

Hi ! Allen :
你好！放心啦，你並不是太差的，比你更差的大有人在。有時間到我Blog睇睇我搞破產當時的心情，你當可明白，破產...其實沒有什麼大不了！
我的Blog:《http://hk.myblog.yahoo.com/ww1761/archive?l=f&id=6》
我同意（kinkopmchu）的答案，差不多的我不作答了，以下作些補充：
三十多萬雖不多，但也不算少，我欠廿多萬都要破產。而你的情况，惟一考慮是"居屋"...
關於你層樓, 有兩個做法,
1).一,是立即轉名, 但因你前妻的関係，要即時處理亦不易，也容易被懷疑是轉移資產。
二, 不轉名, 破產處會收左你層樓, 再賣返出去, 先扣除供樓銀行餘款，有剩一份是你前妻的，另一份到你的破產戶口，扣除債務後，若不足就按月攤還(如有能力還的話)。
以上的都要你前妻簽字，這是你要考慮的。
另外你計吓賣樓所得餘款是否夠還，如賣樓對你毫無幫助，那我建議你破產，一切交律師及破產官處理吧。
2).〔我前妻的半份可以取回嗎?點取呢?〕呢個問題要睇情况，最好請教律師。
總結其他，記住一點，破產，是你個人的事，與身邊人完全無關，除非該人是依靠你而生活的。即係話你與女友同住，所有數目支出都要分開計，共同支出分開一人一半計。但結咗婚，太太無入息，就要依靠你生活，當然計算是你的支出。太太有入息，有些官會將你日常支出除二計。
結婚、讀書、生仔等絕對可以，只要証明所有錢都唔係你出嘅，因法律上破產人士係無多餘錢嘅。
BB係你的直系，是依靠你供養，會算入你支出。
申請破產時最好係要填哂欠那些銀行錢，漏報有可能影响破產年期。
破產後唔使諗供樓，因層樓一定無咗，你要諗定日後住喺邊。
以上都係表面回答，希望幫倒你。
其實有個簡單方法，你而家可以聯絡啲專搞破產嘅律師，將你嘅情况話佢知，佢會比到意見你嘅，放心，你一日未正式搞破產，都唔會收你錢。
祝你一切順利！

你想做重整.......我想你現在滿腦子都是如何破產......你有層居屋.....有沒想過加按....
你連樓都唔供,叫你亞媽供,真係慘!!!!!!!
你有層樓,又如何申請破產......你唔好亂想,不如找多份工作做,好過你經常話破產...
努力啦....................