有咩方法可以教好一個唔聽話既小朋友！

開始時，兩至三日你可以與他說一些關於德育的故事，例如︰與別人相處、禮貌的故事等，說完故事後，你可以與他討論故事內容引起他的注意，圖書館或幼稚園內都有很多關於這方面的圖書的。
你每次罰佢需要有目的，例如︰佢在公園打人，你可以與他說，現在我們不在公園玩啦﹗因為你打人﹗如果他說︰「不好啦﹗」你真是要說到要走就走，否則他是不會再相信你的，其次你送貼紙給他作獎勵是可以，但所定的規則要明確，例如︰對他來說聽話、好乖食飽等他是不明白的，對他來說食飽可能是一兩口飯便己經飽啦﹗你可以說你要吃完半碗飯等等……你的指令要明確而且正面，只要他能做到，你便稱讚他，這是可以慢慢改變他的行為的，因改變行為是需要時間，你不可以想以為一朝可以登天，他做錯事你打他他只會覺得打人是對的。因為你的身教都是這樣，為何他不可以打人呢？

小朋友得3歲人仔唔聽話實有架啦，但係媽媽你都要明白佢都係得個3歲姐，咩都唔識架，所以由宜家開始要開始教番好你既小朋友。
如果小朋友去公園玩個時同其他小朋友打交呢，你當然要立即停止佢啦，但
係唔好罵佢住喎，拉佢埋一邊，先問佢，小朋友都有自尊既，你當住咁多戈面前罵佢,佢會覺得好魚架。問下佢做咩同其他小朋友打交呀？
了解左件事係點，點解佢要郁手打人先？
媽媽你既語氣要溫和d先，
(你既動作要同佢同一個水平，要有眼神既接觸，要佢望到你)
因為你係問緊佢做咩要咁做呀ma，等佢答番你，如果係其他小朋友打佢先既，咁你就同佢講--個個小朋友咁做係唔岩，咁你咁打番佢岩唔岩呀？
問番佢等佢答你。然後講番你既感覺比佢知，你可以話：
媽媽見你咁樣打人我好唔開心，你打人你開唔開心呀？咁你想唔想媽媽唔開心呀？用一d引導既說話要佢答你，要佢知錯，要佢同你/另外個個小朋友say sorry。
但如果係你見到佢打人先，咁都係咁既做法，不過就要嚴厲d既態度，要佢認錯，唔好比佢向公園玩，番屋企要佢之冷靜下，要佢知錯，不過媽媽事後你都要解釋番比佢知，點解你要罰佢冇得向公園玩。

食飯可以咁，同佢坐向個0飯桌前同佢講，(嚴厲d既態度，眼神接觸)
今日你要坐好食半碗飯，set個時間比佢，如果你唔食呢，你今餐就冇得食架啦，
等佢先知道今日既規定，如果佢唔食四圍走既，唔好理佢，到一個時候你就收起d飯，
等佢餓個時要食野，唔好比野佢食，媽媽你唔好心軟，心軟你個小朋友就會係追幾條街食飯個d小朋友，解釋比佢知，頭先講左比你知冇得食架啦，宜家都一樣冇得食，係食飯時候先有得食野，如果佢大吵大叫既，唔好理佢，叫你都唔好理佢，等佢同你講對唔住，先好比小小野佢食，到下一次食飯就同佢講番記唔記得今日你唔食飯有咩後果？咁宜家要點呀？問佢佢自己會知點做架la。

貼紙玩具個d，小朋友唔會驚你唔比佢，因為佢地知總會有人買比佢地，我會覺得比得適當，功效先會大。

罰企個個辦法都好好，不過我唔會叫罰企，會叫冷靜區，有邊個會想比人罰企，比佢坐都得，不過只可以各一個位子坐或者企，同佢講，你做錯野就要去冷靜區，真係要實行喎，如果唔係一半一半又係唔得，要佢冷靜一下，你過去同佢講番件事佢邊度做錯，你好唔開心，一定要佢say sorry，如果唔係係冇得離開冷靜區，當然要小朋友佢知錯同埋佢既態度係要好好啦。

good luck la

我覺得趁佢仲細，你就要好好管教佢，當佢同人打架、搶人0地D玩具……時，你就要打佢，同佢講：你再做我就再打你。不過唔好太過火，只要令佢知道咁樣做係錯的就得了。
如果過左一個月，佢乖左，你就要買D野獎勵佢。做父母要有獎有罰ga!

買多少少玩具俾佢玩, 同佢唱下歌, 下棋等。星期三可以去下科學館。
個人開心會開胃食多d夥架。

2007-05-08 14:29:47 補充：
係食多d "野"。唔好用punishment。因為對成長唔好架, 大個會有陰影, 怕人。唔好用貼紙做reward, 佢會好悶, 唔想要, 唔理你。 用其他野都不是太好。因為食野本來就不用reward的。成了習慣就不好了。去到Kingdergarden, 人地個個食野, 佢唔食, 可能因為習慣了有reward. 真係唔好俾佢習慣。

2007-05-21 16:14:53 補充：
不全面, 不明確。

睇嚟妳屋企的環境還可以,就係物資太豐富啦
妳如果餓佢一個禮拜,如果佢重唔食飯,我就輸一千蚊比妳
現今的小朋友太聰明啦,佢知佢唔食飯,妳重比佢緊張,佢同妳緊張嚟做乜
講句俗d,佢而家食硬妳啦,在這情況下,佢點會聽妳枝笛呀
妳而家要攞番個主導權才是解決辦法
要佢知道妳控制佢d所有事的權力
要佢聽話先至有嘢食就好似教馬騮一樣(貼紙佢根本唔希罕)
怕只怕妳下唔下到鐵心才是成功失敗的關鍵