有關VOLVO(富豪)汽車的問題？

1. 首先你click 以下條link 先. 呢個PDF係Volvo 英國車主網上聊天室揾到嘅850 的胎氣指引. 你應該喺你架車嘅油缸蓋後面/前坐雜物櫃/門邊Door Jamb揾到類似嘅貼紙.

http://www.volvoclub.org.uk/pdf/850TyrePressures.pdf

大家研究吓啦. 我唔知你架850係Wagon 定Sedan, 有冇turbo, 輪胎咩Size. 有Turbocharger 嘅model 會比冇turbo嘅model 重磅, 氣壓就要打番高D去承托番個車重. 所以你望一望會覺得第一個Row嘅數字會比第二個Row嘅數字低. 咁就當係4-door with Turbocharger including T-5R嘅Model 啦(Model List 第二個Row).

第一個column寫呢個model 原廠可以配205-55/15", 205-50/16", 205-45/17"嘅胎.

第二個column係示意你平時架車係多市區行駛, 定高速巡航. 車越開得快, 車輪同胎然亦轉得快D, 咁入面嘅氣如果唔夠就會好快產生高熱, 嚴重會導致輪胎爆裂, 產生意外. 所以如果好似喺歐洲呢D多超高速公路嘅地方開車胎氣都要打番多D. 我假設你係香港開車而奉公守法唔超速啦, 咁你就睇呢0-160(km/h), 即係上面嗰行.

第三,四同第五,六個Column嘅分別, 就係第三同四係假設你平時載貨載客比較少(1~3人), 而五同六就係Fully Loaded (坐滿連行理). 假設你平時都係少載人嘅, 咁就睇第三同四個Column嘅Data. 第三係前輪, 第四係後輪.

綜合晒以上嘅要求, 架車前面應該打33磅氣, 後面就打30磅.

記住唔好渣完架車就即刻check 胎氣, 因為你行熱咗條胎氣體受熱咗氣壓都會增加, 而車廠提供個參考係cold tire嘅標準. 我通常會渣架車出去打氣打多3, 4磅, (呢個例子, 就係打到37同34), 番到屋企第幾個鐘之後條胎涼番再校到適當磅數(有多就慢慢放到啱).

2, 其實廠方列出這堆指引就是根據廠方自己的工程數據, 再計算出一個在操控, 舒適, 安全和輪胎耐用性取得平衡的胎壓. 如果你想省汽油一點的話, 可以多加一至兩磅; 這樣亦會增加駕駛反應的感覺. 但相對與路面的接觸面亦減低了, 而且中間的胎紋都會消耗得快點. 相反, 如果你想乘坐舒適一點, 那可以減少一兩磅, 但阻力大了, 汽油亦用多了. 輪胎兩邊磨損都會加快.

歐洲車通常30磅左右,如果想知廠方概標準,可以睇吓門柱位或油缸蓋內概原廠指引