我兩年無讀書，但我有中五程度，如果依家讀返夜校要點？

考好會考更有認受性, 2007-08年度的中四仍會考2009年會考, 所以不需擔心.
如你讀過中五, 可直接申請入讀夜校中五. 但若你的程度連中三都不如, 中英數U的話, 你就應由中四讀起補底, 即使學校容許你直入中五.

我確知本年度06-07有開齊中四中五文理商班的夜校, 如下:
路德會沙田夜校 (沙田 大涌橋路 濱景花園, 近石門站)
路德會呂祥光夜校 (屯門友愛/安定)
路德會馬陳端喜夜校 (寶林)

其他很多夜校如 元朗的路德會西門英才, 天主教崇德, 大埔的教師會夜中, 上水的鄧顯等都因夜校收生不足, 停辦夜校部了. 還有不少夜校人數不足, 不開中四理科班, 就限死讀文商科, 至於8月他們會否再開理科班, 或停辦理科, 還是停辦中四, 我就不敢胡亂瞎猜. 今年8月還有多少間收生不足而停辦, 就要看會考放榜日的最新資料. 現階段不應倚賴網上過時的資料.

我覺得你都係唔好由中四再讀起啦，因為而家o既教育制度唔單止係改做334學制，而且會考有好多科目o既syllabus都轉左，所以，如果你要讀返中四、中五o既話會好吃力，同埋會浪費左o的時間。再加上夜中o既學習環境唔係咁好，好多學生有時會只係返一、兩堂就放棄，所以久而久之會令其他學生都無心機讀書，考試成績會唔太理想。

除非你係想考政府工(因為政府工最低入職要求係會考五科合格，包括中、英文)，否則真係唔好讀中四、中五夜校。加上，而家大部份政府機構都已經認受毅進課程o既畢業生，所以你都可以考慮下讀毅進夜間課程，同埋o個o的科目會比較實用，唔會好沉悶，對工作又好有幫助。

或者，你可以試下去報一o的文憑課程，例如︰IVE、明愛，佢地o既收生係唔會限制會考有幾多分，而且又有好多科俾你選擇，學費又無咁貴(IVE有o的科目仲有政府資助，可以平成半架)，讀完之後一樣可以涵接到不同o既大學。

我想信咁樣會好過由中四、中五讀起。

我自己係過來人, 同你個case 差不多, 勸你唔好行返校呢條路, 除非你日頭份工係超得閒, 無乜野做, 唔駛點辛苦, 又唔駛點迫車, 近你屋企...... 否則好難可以持久.... 你諗下即使每日都有返, 每堂都有上, 你都無時間溫書啦....

我就係諗通左, 直接走公開大學路線, 暫時覺得都OK, 而且我可以全權控制快慢, 有時讀到真係無乜MOOD, 就可以申請休學半年, 俾自己抖一抖, 最好地方係唔駛迫自己考公開試, 直接讀自己最感興趣既科目, 而且有低息貸款

要睇你自己想讀D咩, 邊到讀同埋budget 幾多囉.
而家好多選擇, 好多都可以入到u, 唔一定要讀返中學.
你有冇考過會考? 如果冇, 或者想再考, 可以報返中五,
好多私校(現代, 遵理果D) 都有evening school 既,
另外仲有瑪利亞書院, 莊啟程係一個唔錯既choice,
上網可以search到更多.
如果唔想讀返中學, 要睇返你會考成績有幾多份,
睇下IVE, 明愛, 同埋其他大學既持續進修部(hku space, cuscs 等等),
好多High Dip 同埋 副學士學位課程呀!
都有好多Evening 既課程可以揀.
最緊要自己有目標, 認清條路, 知道自己想要D咩,
再plan 條路點行! 加油哦! 學海無涯!

睇下你想讀咩傢咋啵.
講真.你想讀中四五六七咁上大學就難d傢啦.
坊間有好多夜校都幫到你既.
工聯會(http://www.hkftustsc.org/stsc12.htm)
HKU space同埋GEC都有好多野比你簡..
工聯會可以上果個網..
後面果兩樣想問野可以同我問我阿哥..
[email protected]