點睇(8138)康健

8138既前景問題，我以前答過幾次，答案都係負面。即使現在有股票評論員唱好，我都堅持對它的負面評價。

我唔係咩專業股票人士，不過我希望我既睇法幫到你。

首先，睇康健既往績，蝕錢多過賺錢，管理不善。上市好耐，具資本優勢，但一直都無法勝過其他資本較弱的醫療集團領導市場，業績不穩。倘若管理良善，一早就在香港醫療市場成領導地位，唔使搞國內的什麼東西都已經可以賺好多錢啦。而家佢搵玩具大王個二十幾歲既千金小姐做CEO，我睇凶多吉少。

另外，康健無乜實績，拍住華廈醫療同香港體檢搞國內牙科診所和國內旅遊體檢，全部係概念，成效係點無人知。旅遊體檢其實已經係舊概念，唔係新鮮事物。它持有的香港體檢，更是連年虧蝕，未賺過錢，香港體檢在本地醫療界沒有什麼地位，本地生意方面大把有信譽有地位的私家醫院和大化驗所、診斷中心騎住佢，極難發為。

買康健風險極高，請慎重考慮！

無人知...到現在為止, 佢都係炒概念. 無疑, 體檢醫療市場前景係好好, 但係佢到現在為止都沒有實質野可以睇到, 例如業績, 賺錢或管理能力等等. 加上佢193倍既市盈率...

有兩個可能性: 1) 佢日後既業績好好, 可支持佢既股價; 2) 股價爆破, 變返仙股...

我相信後者可能大d. 建議佢有實質野可以睇到先入貨.


佢剛剛獲摩根士丹利資本國際(MSCI)納入本港小型股指數成份股:
----------------------------------------------------------------------------------------------
康健<8138.HK>折讓18%配股復牌，同時獲摩根士丹利資本國際(MSCI)納入本港小型股指數成份股，股價今早裂口高開，報$0.81，其後持續於高位橫行，最高曾升至$0.9，創新高，現報$0.84，急升28.8%，成交1.43億股。