租公屋一問

1/.滿18歲就可以用一個人名義申請公屋，有入息證明唔靠屋企。

2/.(2007年4月1日生效) 每月最高入息限額 1人 6,800元 (計埋強積金的 最高入息每月7,158元) ，而總資產淨值限額176,000元。

3/.唔可以有其他資產，咩丁屋權呀...居屋有名都唔得。遞交申請表格時，要填一份入息證明書，唔可以自己填，要你公司幫你填。公司要幫你填返過去呢半年你每個月0既收入同總收入，並且要公司蓋章證明無假資料。如果呢半年你無超標，咁房屋署會俾個編號你輪侯。非長者一人申請公屋編配政策，房委會轄下資助房屋小組委員會已於2005年9月29日通過為編配予非長者一人申請者的租住公屋數量每年設定配額，並設立一個計分制度，讓較年長的申請者獲優先編配單位。如果你年輕0既話唔知要等幾耐，因為我一早申請左，所以未設計分制時剛剛派到屋俾我，我都係上左尾班車0既其中一份子。

4/.同第一題一樣，唔會影響你父母間屋。

5/.我住緊193呎，地方真係夠一個人住，叫朋友上屋企都要諗過。好似套房咁，有個長房俾你，無客廳無睡房，廁所廚房獨立。好似再起緊果D仲細....

1]成年之後,可以
3]睇你既收入
4]可能,只要申請
5]佢係隨便分俾你,間間一樣睇你凹傢具點擺而影響大小