養水時需不需要放濾水器呢?

養水當然要開過濾器啦~因為d硝化細菌開頭未能夠全數依附響生物環之上,係要依賴水泵運行,將佢地帶到過濾器中,仲有就係所有水會不停咁流過過濾上,可以加快水質淨化過程,如果唔開過濾器等同放缸死水響度!
如果想知基本養水過程,可以去本人其中一個最佳答案了解下:
http://hk.knowledge.yahoo.com/question/?qid=7007050401423

2007-05-10 01:48:24 補充：
我都補充小小野~自來水中既氯氣除左會好似我響養水個知識入面所講,會破壞魚鰓魚鰭,魚身表面保護層之外,亦會殺死過濾系統中既硝化細菌,所以新水一定要備用24小時,等氯氣揮發先可以用答養魚或換水~請細心參考本人響上面個個講養水既網址~對新手有一個基本知識^^

2007-05-11 00:02:04 補充：
另外仲想講,換水時一般過濾都係唔會停左佢,除非你要成個缸換走哂d水就要停左個過器啦~因為冇水到運作緊過濾器,好易整壞個過濾器~

養水目的係想等自來水o既氯氣自然流失。氯氣有乜問題？一來對魚唔好，二來殺菌！

濾水器呢．．．你講緊o既係濾完飲得o既濾水器，定係魚缸過濾o既濾水器？前者唔駛，因為自來水都有佢o既礦物鹽；後者萬萬不可！因為濾水器就係靠裏面o既硝化細菌幫你做生物過濾，做乜要入ｄ有殺菌成份o既水入去？

如個你個係大缸，冇位放桶養水，唯有直入自來水；缸細的話，用個桶／樽，入定ｄ水放一日，ｄ氯氣都可以走左，亦可以用氣泵打氣加快呢個過程，一切化學野都冇必要落。就係咁多架咋。

2007-05-08 15:02:37 補充：
以上講o既情況係換水，事實上有人每次換完水都加ｄ硝化菌入缸，驚新水殺死菌同抽水令菌流失。如果你係新開缸，最好用養過（方法如前述）o既水開，然後落幾條粗生、死左都唔肉赤o既魚，用佢地o既廢物做菌o既糧。呢個時候就梗係要用濾水器啦！總之濾水器正常情況係長開o既，因為要保持水有流動，同埋唔畀廢物o係缸中積聚。

我覺得要，因為魚唔可以生存在自來水，因為加了化學物。

最好LA，清潔D