紅劍生的ＢＢ是卵形ＯＲ一條蟲咁ＧＡ？

紅劍魚係*((卵胎生))架!!即係公魚用腹部交接器直接將精子傳送到母魚腹內,之後響母魚腹內受精,到卵成熟後,由母魚直接生出黎!所以我地養魚既人會將紅劍分類為((卵胎生)),同卵生有小小分別!!
而生出黎個d都係一條條細小魚仔!!一般都有0.7cm到1點幾cm都有!!基本上紅劍bb一出世都會有小小紅色~
另外你缸中冇水草冇石都冇所謂,因為紅劍個類魚好小會食bb,所以有冇水草同石就你個人喜好至定!!

2007-05-07 22:44:17 補充：
((因為紅劍個類魚好小會食bb))係一個事實,但唔代表所有紅劍都((一定))會食魚bb囉~因為有部份紅劍bb會因應唔同魚種一生出黎既size比較大!!成1cm以上,所以成魚想食魚bb都好難囉!!何況劍魚都有幾種唔同size架!!但如果養細種劍魚就有可能出現成魚食bb既情況!!所以唔好成日用((絕對))((一定))既字眼囉!!夠有人話孔雀魚母一定會食魚bb啦!!唔好意思,我想講句!!我家一星期前剛出世既白化魚bb一d事都冇啵~仲要有bb響魚母面前都冇事!!所以唔好講咩((絕對))啦!!我只能夠講一句,係有機會成魚食魚bb囉!!

第一，紅劍、moon、米奇、摩利都係卵胎生魚，母魚生出o黎o既都係魚仔。叫得做魚仔，當然都係魚形啦，但初出生時有時都係鬈弓蝦米，隔一陣就會伸返直。魚仔同屎好大分別，魚仔係粉紅／肉色，有眼架！
第二，有時生生下，都會有一兩粒卵。我唔知係發育得遲定係冇受精，不過都應該馬上撈走，因為呢ｄ卵唔會孵得出魚仔，只會發霉。唔想浪費，可以放入大缸，魚唔會錯過。
第三，紅劍絕對會食魚仔。如果你由得母魚留o係生仔缸，冇幾耐一條魚仔都冇剩。所以一生完就要取出母魚。一般人只係用一個有隙浮水生仔缸，吸o係大缸生仔，但唔好係缸外o既大魚會o係隙度吮魚仔出o黎，所以如果有空間／資源，最好用另一個缸生／養魚仔。唔得的話，加ｄ莫絲、金魚茜之類多葉o既水草俾ｄ魚仔匿埋都會好ｄ。最緊要母魚要拿走。

紅劍魚是卵生的，牠的卵通常會附在水草或石頭上，很少會在水中漂浮的。

再者如發現魚卵，應盡早把它隔離，以免其他魚食左。