我家的鼠鼠,,

小露寶係唔係真係跑得好快嫁？
小露寶係最快,最細,而又幾細膽既品種,所以最初係幾難去同小露寶做朋友.而家你只係買返左唻第2日,佢緊張同驚人就更加會跑得快.
佢咁細隻,其實驚人我覺得好正常,好似如果有隻動物大你咁多倍,一手就拎起晒你整個身體,我諗都會幾驚.所以慢慢唻,俾d耐性同時間啦!

同佢熟D之後會唔會走得冇咁快嫁？
你同佢熟d之後佢未必會速度慢,小露實一向身手敏捷,但到佢唔怕你既時候,一定比而家易控制得多.但熟唔熟都必須留意,唔好俾到機會佢走佬,鼠鼠本身走佬高手,小露寶仲咁快,走左真係好難捉得返.初初控制得唔好時,可以用一d工具去運送佢去第度沖涼,洗籠時都要放好佢,唔好低估鼠鼠既能力.

佢成日都係間屋入面,都算正常嗎？
因為鼠鼠係夜間活動日頭訓覺,如果你既作息時間同佢相反,就好易只會見到佢只係食同訓,就算你半夜成日起身,都未必會遇到佢既活動時間.
天氣特別熱同特別凍,都會令鼠鼠訓得多,如果佢冇減少佢既食量都唔洗擔心,如果只係訓而冇咩點食野,就可能有唔舒服啦.
特別係你而家最初買返唻,佢未習慣到新環境,就更加會呢埋,保護自己嗎,忽然俾隻大自己咁多既動物捉自己去一個陌生地方,呢埋係最正常不過既事.
千萬唔好見佢咁以為佢會悶,因為鼠鼠係獨居動物,有轉輪玩,有足夠既地方,已經唔會悶,唔需要買多隻陪佢既,咁係一定會打交.

點先同佢熟?
最初買返唻幾日其實唔好掂佢住,俾佢習慣下先再嘗試同佢熟,你而家嚇親佢,之後想同佢熟就難上加難.
同鼠鼠熟d既方法:
你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
等到你地熟d,好易會做到你一行過佢就行埋唻or冇咁驚你,之後你可以試下伸隻手入籠隻俾野佢食,再熟先抱佢啦,慢慢唻,俾心機!

另外有d個人意見想補充一下:
鼠鼠係可以同人熟既,我行過個鼠籠,同家人行過係完全唔同既反應,我行過我既鼠係訓緊都落唻睇下有冇野食(多數在瞭望台訓,所以係落唻).
又試過鼠鼠半夜走左出唻,入我房,當我見到佢鬧佢偷走,佢就好醒目地行返去個籠度,之後遠遠地望住我,等我帶返佢入籠.
有時玩既時候鼠鼠d牙掂到我,我都以為佢會唔小心咬到我,但佢就會彈開咁.相信呢d都係熟左既表現.雖然鼠鼠既智力唔及狗,但其實都可以訓練到同可以熟到既,俾d耐性就可以啦.

佢同你唔熟,
梗係跑得快la,
佢驚ma~
哩響屋都係正常ge,
因為佢唔熟識周圍環境.....
佢同你熟咗就唔會ka la,
放心la~
初初你可以伸手餵野比佢,
慢慢,佢熟咗你陣味,
就會唔驚你,
比你抱,
慢慢嚟la~

小露寶真係跑得好快~係正常~

倉鼠唔會同你熟架...佢唔似狗狗咁有靈性~

and佢天生就係跑得快~

仲有天生懶的倉鼠就會成日係間屋入面,

你試下買個轉轉俾佢跑下~