拉布拉多經常『奶』四隻腳，不知是否有皮膚病？

你首先睇吓佢啲腳趾係與腳趾之間有有紅左,或者皮膚好紅生左一粒粒蒼,也會唔會佢腳板底啲毛長得滯,因為毛長得滯會引起佢隻腳發炎的,你要時時留意,幫佢剪腳板底毛.
如果有一樣係,(除了腳板底毛長,唔需要睇醫生) 其餘有一樣係咁你最好快啲帶佢睇醫生,了解清楚.唔好拖,因為拖佢病情嚴重左就好麻煩.
如果無,咁可能你隻狗仔想你留意佢吓,想你抽多啲時間陪吓佢玩關心佢.
你平時可以用啲滴露加水幫佢抺吓身或腳,鹽水都得.這樣可以幫佢消毒.

舔腳可能是皮膚敏感的先兆，亦都可能是因為地板的清潔液未完全清洗乾淨，養了寵物既家居不可使用漂白水、綠水等含有化學物質既清潔劑，會傷害狗狗腳部接觸地面既部份，從而令到牠們經常有舔腳的行為，應該選用寵物專用既消毒藥水，可瀏覽以下的網頁參考:
http://www.pet28.com/profile.asp?id=654

請問你家裡用什麼清潔劑洗地? 如果你選用滴露、綠水、漂白水就大錯特錯啦，貓狗是不能用這些清潔劑抹地，這類清潔劑對於人體是無害的，但對於貓狗來說，是有毒的液體。
所以你可選用熱水或寵物專用的清潔家具的清潔劑，在寵物店有得買。因為長期用人類用的清毒藥水拖地，會令貓犬的手腳掌慢性燒傷，引致皮膚紅腫。