請求高人解簽: 觀音簽 第12簽 求事業

首先求簽靈唔靈就見人見智，都係果句，凡事掌握係手上啦

好！解一下
呢支係「武吉遇師」，出自封神呢個故事，簡單來講就係話說商朝時期，有一個人名叫武吉，有一日佢犯下左官非，打死左人，西伯候要判刑，武吉求佢比個期限自己，佢想用呢個期限來安頓好自己個年老的阿媽，西伯候答應，要武吉依約定秋後後再來受刑。
武吉回家後，佢阿媽知道呢件事，教武吉去找姜太公，姜子牙見佢可憐，收武吉為徒，教左佢一個方法，要佢扎個草人丟落河替自己死
秋後，西伯候唔見武吉返來，占左一卦，以為佢畏罪而投河自盡左
如是者，直到Ｎ年後，西伯候重遇上武吉，先知道原來自己被姜子牙用計欺騙左，不過佢冇追究，反而收留左姜子牙同武吉幫自己做事

否去泰來咫尺間，就同個故仔一樣，是吉是凶只是一線之間，前面一定會遇到凶險事，不過唔需要驚，否極最後都會泰來，如果冇犯下凶險事，又點會有以後的期遇？
若逢虎兔佳音信，呢句暗喻如果逢到虎兔會有佳音，虎兔為寅、卯，想轉工的話，農曆３、４月會比較好