有無客貨VAN月租(自駕)?

Long-term lease 喺外國係非常普遍. 通常用家係同車行簽長約, 大概係兩年至四年, 有限定里數上限 (過咗會逐里計錢).

Long-term lease 嘅好處係你開頭出車時唔駛用一大筆錢做首期, 每月租金亦都相宜. 到租約期滿時就還車算數, 唔駛煩賣車. 而且咁樣亦有個好好嘅藉口過幾年就換一次車. 如果你自己開公司嘅話, 每個月嘅租車費用可以用嚟做operations cost 去扣稅 (視乎當地稅例同有關公司), 又唔駛煩折舊.

唔好處就係通常保險會貴D; 到還車後就冇嘢喺手, 又要煩搵過架車. 還車時車行會將架車驗屍咁驗, 一定會搵到D瑕玼出嚟收你手續費同維修費.

你可以去試吓皇冠車行, 睇吓Toyota Rent-a-car 有冇offer Hi-Ace貨van.