養魚新手,(水妖) 20分

其實好多人都話買個細水妖好過啦,洗乜自己整咁煩呀~分分鍾你個DIY水妖仲貴過出面買個D!!係有咁既可能架,不過自己整作完成品能夠成功運作個種成功感係點呢?
所以我就將呢個DIY水妖基本原理打上黎,大家參詳下!
水妖外殼(蒸餾水樽)大細就自己決定啦~之後響水樽樽身與底部之間既轉角位開幾個孔(0.2-0.3CM已經可以)開多D都冇所謂,因為佢係用黎吸水,不過太多孔就會分弱左吸水力量!!所以你地開頭唔好開太多孔,日後唔夠先再開多幾個孔!!
之後響開孔同時,開一個孔可以平時用開既氣喉插哂入水樽內,之後可以就咁開左個水樽蓋,同時開氣泵,你就會見到水樽口有氣泡走出黎,同時氣泡已經帶動D水坎出水樽口架啦!!不過仲未完成架!!
咁停左氣泵,之後響水樽中間用界刀~界成上下兩份,你會問咁咪會響開口位漏氣或漏水,答案係唔會!!請再細心睇落去!!
界左個水樽兩份之後,你方便你放濾材入去!!記住係放入水樽下面個一份!!
1)記住底部一定要放多小小細石仔,如果唔係個水妖會升左上水面!!
2)之後放過濾棉,用黎阻隔大年垃圾,
3)跟住放生物環,因黎比硝化細菌生活,日後佢地幫你響水中有害物(氨)轉化成其他冇害物~,
4)再之後放多一層過濾棉,因為可以固定中層物品,同時可以將上升出去既空氣分隔成細氣泡~
放好哂之後,響上蓋套落下層,最好有幾入套幾入!咁就冇咁易散開!!如果氣泵大力會谷開水妖,咁可以響中間接駁位開孔用線/繩/膠索帶等等物品固定好成個水妖,然後成個水妖慢慢放入水底,等水入滿左隻水妖之後,就可以開氣泵架啦!!但要最後睇下水樽口有冇氣出,另外隻水妖又會唔會因為個底唔夠重而漂起!!
因為我冇我POST相上黎,所以只可以用文字講出黎如果唔明可以再問~
其實只要知道左個原理,其實水妖可以用一個(菲林)筒做都得,我見過最細水妖係一條4分軟膠喉,所以一理通,百理明~加油~
以上內人係個人原文!!唔係COPY,唔係任何網址!!!

2007-05-07 22:35:09 補充：
打錯好多字,唔好意思,更正字眼如下:1) 開一個孔可以平時用開既氣喉插哂入水樽內-- 更正-- 開一個孔可以比平時用開既氣喉插哂入水樽內2) 你方便你放濾材入去!!-- 更正-- 係方便你放濾材入去!!3) 用黎阻隔大年垃圾-- 更正-- 用黎阻隔大件垃圾4) 因黎比硝化細菌生活-- 更正-- 用黎比硝化細菌生活5) 因為我冇我POST相上黎-- 更正-- 因為我冇得POST相上黎

2007-05-10 05:56:42 補充：
點解上面個位人兄既答案同另一個知識 既答案會一樣既?原有知識 網址如下??yahoo既人正視下啦~~唉!!http://hk.knowledge.yahoo.com/question/?qid=7007041000486

very detail!
thank you for sharing

水妖其實係一種氣動過瀘裝置,
利用氣泵打出的氣帶動魚缸內的水流過濾材達到過濾的功能,
主要係作生物過濾, 因為當中的濾材可讓細菌得到地方依附並繁殖,
可以參考 PH 的奶樽水妖,
http://www.ph-clion.com/product/filter/small/index.html