單身証明和良民証是否同一時間辦好?

恭喜你呀, 我都係2月同台灣男友結婚, 兩樣証都申請過, 希望幫到你

單身證明係結婚用, 良民証是申請居留用, 你最好先決定係唔係結完婚就會申請埋台灣居留, 定係會先留係香港, 因為良民証只有三個月有效, 所以你要先計劃好時間, 如果只係結婚用, 可以先去婚姻註冊申請單身證明, 再去婚 姻 登 記 事 務 及 紀 錄 辦 事 處
(辦 事 處 電 話 :2867 2787) 金 鐘 道 66 號 金 鐘 道 政 府 合 署 低 座 3 樓 交表, 前後共要付820元左右, 兩個星期後要親身上去攞, 之後你可以過埋隔離中華旅行社14樓驗證, 你要先填表, 影印身分證同單身證明書,俾 大約$120-140, 一兩日就可以攞返, 之後就可以結婚了, 不過我唔係公証結婚, 所以我係到登記戶籍才用到,

良民証大約要3個禮拜,

2007-05-08 23:30:54 補充：
你有咩唔明可以再問我

申請良民証地點, 在灣仔軍器廠警察總局做, 做之前你先去中華旅行社同佢地講你要申請居留, 他們會給封信你去申請良民証, 咁你先去警察總局做, 費用HK$165元, 有效期3個月, 不過佢地係由發証o個日計, 佢地做好良民証唔會比你, 警察局直接交比中華旅行社, 到中華收到良民証就會打比你話良民証收到.

到你申請居留前, 你先叫你老公屋企人去申請份 "戶口謄本", 之後, 你叫你老公同你去家附近的派出所做證保 (即是等於 "保證書"), 即係你老公做你個保證人, 記得帶圖章同o個份保證書同埋戶口謄本, 一陣就弄好, 不需要錢的.

之後, 你要帶:
1) 居留申請表
2) 保證書
3) 身體檢查報告
去入出境局申請居留証, 大約10個工作天就收到, 你申請的時候跟職員說你個良民証已經在香港中華旅行社, 還有, 你申請居留証時, 佢地會收你的簽証, 這段時間你不能出境 (其實只是兩個禮拜左右), 和, 你最後一次去台灣是長住的, 不可以用落地簽証入境, 原因我忘記了.

到你回香港的時候, 每次都要去入出境管理局申請簽証, 費用 NT$400元, 真的是貴了一點. 大約10天左右就收到, 簽証的有效期半年.

其實你在香港只需要申請 "良民証" 和 "單身證明書", 不過之後在台灣申請文件呀, 或要驗証就比較煩.


** 留意 **
(1) 單身證明上所寫的日期係你申請前的一日, 唔係發出o個日, 大家要小心! 而單身證明, 根據法院的網頁上寫係有效3個月的. 至於在台灣複驗單身證明, 可於叫你老公代辦, 佢只要出示你的護照副本就可以! 我試過打電話去問, 聽電話既小姐話一定要護照正本, 但辦複驗的外交部回的電郵就話副本就得! 驗好既文件仲可以送到府上, 當然要俾郵費啦!
(以上資料由 qualala 提供)

(2) 單身證明書同良民証大約10個工作天就可以去拿 (以上資料由 a2615 提供)
(3) 申請以上的文件係用於 “在香港出世的人士” 因為我打親去中華旅行社, 香港入境處同埋台灣入出境管理局, 講唔夠第二句佢地就問我係咪香港出世啦, 我根本就冇機會問 “唔係起香港出世” 應該係點.

身分證上寫 "永久性", 我估佢地重點係睇你係咪起香港出世, 正常黎講, 唔起香港出世即係冇香港出世紙啦. 因為我屋企人係起大陸出世, 但佢的身分證都有 "永久性", 但問題黎了, 佢個特區護照寫個出生地係"廣東", 所以, 我相信最終係睇個特區護照上寫 “香港” 定 “中國” (或其他省份例如 “廣東”).

*** 記得一樣野, 台灣政府成日改野, 所以, 就算我 po 左以上的資料, 各位姐妹最好申請前再 re-confirm 一次會唔會申請的時間上會快左定慢左, 不過需要的文件都係大同小異. ***

***********************

Yes. so long