倉鼠。。。

買多個籠永久分開佢地,唔買就要用水餵水or一隻用一半時間or買多一個水樽,絕對地唔可以再將佢地放埋一齊.根本同一胎都可以打生打死,仲要一大一細,真係可以死得好快.

我覺得有以下幾點你而家需要做:
1)如果你唔買過個籠,首先就要確保佢地係絕對地過唔到去另一邊,鼠鼠逃走好叻,你整得唔好既話,好易過到去對面.
2)仔細檢查兩隻鼠有咩地方受傷
3)可以去寵物度度買一d外傷既藥,不過如果近眼耳口鼻就唔可以噴,用棉花棒搽唔到既話,可以睇下有冇一d口服既藥,見過有隻叫"外傷素",係加入d水度俾鼠鼠飲既,不過我都幾耐之前見過,所以唔知而家仲有冇.
4)如果流血既情況嚴重, 其實都幾難止血,因為鼠鼠本身會爪會咬,如果都係止唔到既,俾佢試下自己處唔處理到.都係唔得既都幾危險,鼠鼠咁細隻,如果不斷流血,好快就會失血過多...盡快帶佢睇醫生啦.
睇醫生既話可以考慮一下.
愛護動物協會診所資料:
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html

其實鼠鼠係獨居動物,絕對不宜同第隻一齊住,原因如下:
1)倉鼠天生根本就係獨居動物,根本唔適合群居,就算兄弟姊妹,,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既.
2)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨…所以鼠店講既野,,唔好盡信,鼠店有鼠死左都唔會俾客人知呢.
3) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦.
4)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶.

希望經過今次之後,你可以考慮一下以後都一籠一鼠

you 定時定侯喂水to 倉鼠

buy one more cage

其實你應該買多個籠或者養金魚ge膠缸俾另外一隻鼠鼠,因為佢地會唔夠空間比佢地住同活動!
如果你要買籠同缸比是但一隻你要做以下ge準備:
買小屋:$15-30(普通ge)
轉轉輪:$20-30
水樽:$20-35
食物兜(屋企用d食物樽ge蓋)
winter用ｇｅ綿花