✔ 最佳答案
1)答案係可以,不過唔可以養大條個d,頂多只可以養4吋以下,因為4吋以上什至手板咁大個d係比較惡小小,更會啜魚,所以孔雀魚咁細一家比佢一野啜死,唔死都重傷,我家中都有一條3吋,開始長大中,就要去換魚了!!另外如果係想佢食青苔,你可以買(小精靈)佢都係清道夫既一種!size1吋左右,暫時所知得佢係細種清道夫!!響市面未見過大過2吋的!!可以放心養(小精靂)!另外老鼠魚就會食缸底多餘食物,不過唔食青若,size可以大到3吋,花紋亦比較多~不過如果你用砂底,佢會返起部份砂底,所以砂面既垃圾會比佢攪到飛起!!
2)因為金魚咩都放入口,所以唔可以同小神仙魚(尤其係魚bb或魚仔)一齊養,不過成年仙仙就冇問題!!
3)因為孔雀魚係熱帶淡水魚,所以香港既冬天唔適合孔雀魚生活,所以天氣到左20度左右或以下就開始要用暖管!!而孔雀魚最適合既水溫係24-27度之間太高溫同太低溫都好易令佢地病變!!