屋企好多蟻 ~~~

我試過係蟻出現既地方
用d洗衣粉~平時洗衫果d~開清水要開濃小小
凍水ok~要見到有d洗衣粉溶唔到
將依d液體滴係佢行既地方~跟住就唔會再係果到出現
乾左都唔洗理依d液體~又得佢
有蟻出現姐係有食物吸引佢~你都係清潔左地方先做依個方法
同埋試下跟蹤隻蟻搵佢既蟻窩~通常都係牆d細洞度~見到洞就搵白英泥封左佢
記得要用洗衣粉~我試過網上講既洗潔精係沒用
一句到尾最緊要係保持地方清潔~得閒周圍抺下再用上面方法
市面上既殺蟲劑都只係得個殺字~冇咩用

我做滅蟲公司o既，公司D師父好專業可以問o下佢地，齋問唔洗收錢嫁。不過好嚴重o既話當然滅一滅佢會好D啦！一了百了！你可以打比我:6048 5710，辨工時間都得嫁，唔會比人鬧，因為我o既工作就係解答滅蟲問題！！！Haha Poor me!

如果佢地0的方法都唔得既話, 你試下執好清潔晒屋企(特別係廚房), 唔好擺任何食物0係屋企(包括零食, 要擺就擺0係雪櫃), 唔好煮飯一個禮拜(就算食飯盒一食完就要掉出去垃圾房. 我屋企以前試過好多蟻, 落咩蟻藥, 噴殺蟲水, 點香芬乜鬼都唔work. 後尾要上面咁樣做, 足足一個禮拜唔煮飯, 0的蟻聞唔到野食味就自己搬走晒~~ 我地封好晒0的坑渠窿同牆既窿仔(細既窿用番皂捽下塞住都ok), 過左6 年0的蟻都無再番黎 :D

屋企好多蟻,有咩辦法? 我都有呀!不過我用殺蟲水,你試 用漂白水周圍抹 有蟻既地方啦! ... Re: 屋企好多蟻,有咩辦法? 用白醋抹白蟻出現既地方, 個陣味會嚇走佢地架

首先要保持家居整潔, 食物係吸引到黃絲蟻既最大主因, d蟻辛辛苦苦都係為咗搵食, 如果食物收藏得好, 佢搵唔到野食就會去另一到搵.
其次係要堵塞蟻路, 當細心留意既時候, 會發現黃絲蟻有一條蟻路來回蟻巢同食物來源, 只要在蟻路上加以堵塞, 殺蟲水又好, 滅蟻筆又好, 只要使蟻路受損, 就可以大大減低黃絲蟻既出現.
最後就係要消滅蟻巢, 沿著蟻路追蹤, 如果可以發現蟻巢就消滅之, 如果蟻巢在屋外, 就堵塞住入屋既蟻路.
黃絲蟻係唔會被完全消滅, 只可以用以上方法趕離家居.