請大家發表姊弟戀的意見

你講得你遇到姊弟戀這個煩惱, 咁即係話你地大家都鍾意對方啦, 又點解要諗點去拒絕呢?

喺而家呢個社會, 其實都已經好普遍, 唔係一件太奇怪嘅事, 唔須要因為對方年齡而放棄一段感情! 但當然要視乎你地嘅感情有幾多啦, 坦白講如果你地是旦一方都唔係好愛對方就唔好開始喇! 原因係...雖然姊弟戀已經唔係奇事, 但始終都須要面對好多壓力, 例如...你地介唔介意人地嘅閒言閒語, 朋友嘅負面反應, 家人嘅反對先, 如果你地冇呢個心理準備就千祈唔好一齊喇! (其實只要你地大家都有信心, 有百份百嘅愛, 遲早都會證明到比其他人睇, 到時佢地都一定會祝福你地)

一年前嘅今日, 係我同我個ex bf分手嘅日子, 佢係一個細我七年嘅男仔...坦白講, 我為左佢唔開心左足足有一年, 用左一年嘅時間去忘記佢! 佢曾經有愛過我, 佢曾經對我講唔介意所有, 但當時嘅我實在太介意人地嘅目光, 對自己同對愛情都好冇信心...當時嘅我成日都會諗佢只係一個十幾二十歲嘅男仔, 又點解要為我面對噤多無形嘅壓力呢? 我就開始對佢越來越差, 仲專登令佢同我分開...但...後悔已經太遲了, 當感情消失, 無論再做咩都冇用...

如果你真係愛佢, 而又知佢真係愛你, 你地就嘗試勇敢去愛吧! 冇人知道一段感情嘅結局係點, 但總算爭取過, 努力過, 開心過, 即使最後只有回憶都值得開心嘛! 唔好到大家嘅感覺消失, 先後悔呀!

愛...最重要嘅係了解對方, 要知道對方係咪真係同樣愛自己, 年齡真的重要嗎? 年齡並唔代表一個人成唔成熟, 而係要由你自己去感覺架!

P.S: 雖然我同我個ex嘅case都係分手收場, 但我身邊亦有唔少ok嘅例子架! 就好似我亞姨同姨丈, 佢地相差十年, 最初我地d親戚朋友都唔睇好, 但佢地而家都結左婚五年, 仲有個好可愛嘅小朋友tim...所以只要係相愛, 無野係冇可能架! 你首先要做嘅...就係諗清楚自己係咪真係愛佢先係最重要! 希望我可以幫到你啦! Good Luck!!

姐弟戀?你係指一個細過你ge人愛上你?
我覺得愛係無錯ge,相愛就可以架啦..
愛都係講feel ge姐..

你咪同佢講..我覺得年紀細ge冇乜安全感..

姐弟戀?你係指親生定指一個細過你既人愛上你?
我覺得愛係無錯的,但有時後就要分清楚這些是否愛
拒絕一定會受傷,但視乎傷害情度深定淺..
你可能比佢仲更加驚,但係你可以做既野,就只係以一個關心佢既人係佢身邊就已經足夠了

之前我十分唔讚成姐弟戀架~
因為我覺得男仔太細個冇咩安全感，仲會好幼稚tim。
但係而家,可能由於大個左掛~!
我覺得個人最重要係性格相合，可以互補不足~
咁樣重緊要過年齡既問題~有好多人都係因為性格不合而分開，而非年齡既問題而分開架~
我覺得如果真係姐弟戀的話，
男方一定要唔可以介意呢個問題，
而女方就要對自己同埋對方有信心囉~

如果你真係唔仲意對方既話,或者你真係好介意呢樣野既話，
你可以直接同佢講話"唔好意思呀!我好介意他人既目光呀"又或者話"我比較仲意一d可以俾到我安全感既人。而你...真係好似我細佬呀!"

相愛最緊要.
姐銻戀
沒問題

係我自己ge立場....我覺得係無咩問題！但係o係其他人黎講....就一定會覺得好有問題。問題如：出街拖住一個比自己細ge人....有人會問係唔係你細佬；又或者係屋企人會反對！

其實即使會有好多問題都好.....自己都要記住.....我係唔係真係鍾意佢.....大家一齊ge感覺係唔係真係好好！

凡事都應該為自己去諗.....千祈唔好睇人地點睇你地！係你地倆個人拍拖....係你地倆個人相愛.....唔係人地呀！

最主要ge就係......你自己千祈都唔可以介意姊弟戀呢個睇法！

2007-05-06 11:05:08 補充：
如果你真係唔鍾意佢ge......我覺得你真係要直接同佢講.....唔應該婉轉同佢講！！雖然係會傷到佢....但我覺得一次過好過慢慢地傷囉！長痛不如短痛嘛！

你所說的姊弟戀是'同父同母','同父異母',還是'女人年紀大過男人呀'