健身對發育既影響？？？

17 歲，已經可以開始做 gym，練健身，進行增肌鍛鍊。

普通人練健身，好少會練得過激而影響發育的，就算你想練到那個程度亦好唔容易，所以大可以放心。

係屋企做掌上壓 ，sit up，引體上升 等，無疑可以改善身型，增強肌肉同線條，不過唔會變得好肌肉型的。不過你尚年輕，出點線條，增加肌肉力量，個人望上去橫 d 科 d，已經唔錯了。不過亦唔好忘記鍛鍊心肺功能，例如跑步，游水，踩單車等，對整體健康亦非常重要的。

除運動外，亦要係飲食同休息方面配合。要有均衡飲食，多吃碳水化合物，蛋白質，蔬菜水果等，亦必須有充分休息，每天最少７.５小時睡眠，８小時以上更佳。

不過，如果你真係要練到成為筋肉人的話，做 gym係唯一方法了。建議你去康文處轄下健身房，價錢平之餘又有教練指導，係初學者的最佳選擇。初學者，尤其是學生，最好不要考慮私人健身房 (california，physic 之類)，一來收費貴，而且無免費教練 (俾 $ 請的話超級貴)，唔識得運用器材的話，不但唔會有好效果，重可能會受傷添。

最後要記住，運動也好，練肌肉也好，無捷徑，無得快，一定要循序漸進，持之以恆，才有好效果的。