有關芝士豆腐蛋糕一問

我自己都有整過幾次豆腐芝士蛋糕, 可以給少少意見你呢.

1. 忌廉芝士可以用總統牌, 我自己都有用開. 一般超級市場都有得買, 不過貴咗d.我自己會去開灣仔或油麻地的二德惠烘焙專門店買.

2. 豆腐用百福牌的軟滑豆腐係無問題的, 我試過用佢整豆腐芝士蛋糕. 佢雖然比日式滑豆腐口感無咁滑, 但更重豆腐味. 各有各好. 日式滑豆腐你可以到d日式超級市場買, 約$20

3. 人手打忌廉係可以的, 但係會比較辛苦. 不過要記住放忌廉的容器不可以有水, 仲要座凍水打, 咁會容易d. 千萬要記住唔好打過耐, 會出水的

4. 淡忌廉都可以在二德惠烘焙專門店買到, 亦較便宜.

5. 至於餅底我自己會整海綿蛋糕做底, 因為食的時候口感會一致d, 好軟滑. 你亦可以在超級市場買清蛋糕切片做底

6. 組合時, 先放蛋糕片在底, 倒一半芝士餡放入雪櫃冷藏約20分鐘, 取出再放蛋糕片, 再倒芝士餡放入雪櫃冷藏.

7.我就無裝飾, 因為個蛋糕成個豆腐咁都幾得意, 唔裝飾都無問題. 仲有我比較擔心其他水果或裝飾會蓋過豆腐的味道.

p.s.
1. 記得如果加豆漿要用無糖的那種, 如果唔係會好甜.
2. 另外芝士餡可以在未倒入模前用篩子過篩一次, 篩走d攪唔勻又起粒粒的材料, 咁個蛋糕就會好滑.

希望幫到你啦….

芝士呢隻牌子 LACTOS 好好味 (朋友食過都 say good), 豆腐用日本絹豆腐會有豆味，忌廉用總統或 ALRA，用手可以不過會好倦及好耐，餅底都可以係材料店買:
http://www.sweetiebaking.com

1.全部材料可以係各大烘焙店買到,想平d同多d選擇既,可以去油ma地既"二德惠"買!
2.芝士同忌廉我個人認為係"鐵塔牌"好d,因我覺得佢d味道好d同易打起d!價錢大約$20-30到啦!(芝士最少要買250g,忌廉就要買一盒)
3.豆腐係要用無糖既,我唔知百福有冇得買,因我係用滑豆腐代替既(我本COOK BOOK教可以用),貪佢d味濃d同香d!但口感會冇甘滑!
4.人手可以打忌廉,但我試過一次,真係手軟,同埋要夠力囉!所以我覺得如果你有心會繼續整,你可買一個電動打蛋器,大約一百元多D,唔係好貴!^^""
5你可以用消化餅或OREO做餅底都可以,隨個人口味,但唔可以冇餅底,口感會冇甘好!

希望幫到你^^"""