✔ 最佳答案
你會接佢放學, 但又同人地講係最後一次見面?? 都幾矛盾喎!
如果你唔鍾意佢, 同佢講清楚都係好事, 千祈唔好拖泥帶水, 會仲HURT佢架! 一個女仔最HURT嘅唔係比人拒絕, 而係比一個唔愛自己嘅人瞞騙, 拖佢一日...傷心一日, 所以我絕對贊成你直接同佢講唔鍾意佢丫!
但...表達你有好多種方式, 首先你明知佢鍾意你, 你就唔好比D假希望佢啦! 一開始你就唔應該接佢放學, 如果佢鍾意你, 你咁做一定會令佢誤會你都對佢有意思! 當佢以為同你有發展機會嘅時候, 你突然噤決絕咁拒絕佢, 仲要同佢講叫佢唔好再煩你...聽落又幾慘嘅, 唔喊就奇啦! 你仲話想打佢?? 好彩你冇咁做到, 如果唔係我一定會好鄙視你! 無論個女仔有幾錯, 你都唔應該打佢, 即使你有咁諗過已經唔OK啦! 況且愛一個人又有咩錯呢? 你可以唔愛佢, 但唔可以咁對佢架! 要為人諗下先得丫!
但既然你已經做左, 唔好再後悔同自責, 你而家唯一可以做嘅, 就係唔好再搵佢, 完完全全咁離開佢, 仲要千祈唔好比佢知你對佢感到內疚, 免得佢再以為你會著緊佢喇! 既然你已做了衰人, 就等佢繼續覺得你係一個大衰人吧! 咁樣可能會幫到佢快D忘記你...
P.S: 希望你明白, 愛一個人係冇罪呢個道理, 下次要先諗下對方感受! 要直接拒絕, 但要響適合嘅時候, 用適合嘅方式呀! 希望你都唔好太過自責, 過去就由它過去吧!