大棠荔枝山莊有冇得打war game.....呀

大棠荔枝山莊：http://yl.com.hk/taitong/index.htm

圖片參考：http://yl.com.hk/taitong/valley/060328b_3331.jpg









大棠荔枝山莊咪即是S-3的野戰場囉！實有war game打啦！
位於元朗大棠荔枝山莊之S-3野戰場，佔地超過14萬平方呎，共分7個主要戰區，場內亦設有提供整理裝備，更衣及儲物地方之接待中心，調較槍械之試槍區，及提供膳食及各種飲品之食堂及小賣部，可說是現時全港最大，設施最完善之合法私人WARGAME場地，場地大、設施好，可容二三百人玩。而且分成好幾個場區，所以可以分開自成一團唔同人玩，睇圖片啦：


圖片參考：http://www.s-3.com.hk/S3satellitephoto2.png

網頁介紹：http://www.s-3.com.hk/index.html。
S-3個場確是全港最大的場，我打過好多次，場地就是無話可說。不過去s-3唔好就是成日要等人，如果你是跟散團的話！因為跟散團新人多，要等他們排隊取裝備換完衫先有得琉，話就話十點半到場，等到十二點都未必開到game。我們打慣就十多分鐘準備好，之後就是等呀等.......，頂！等到開game，上午打兩場就要食飯，時間好緊迫。所以如果自己可以組到團有幾十人，就唔好跟散團玩，自己一班人選個場玩就唔駛等人。
而且最唔好就全場得一個廁所，仲要在荔枝山莊那邊，距離 game場休戰區（即set裝備及試槍地區）都幾分鐘路程，往來都唔方便。而且山莊那邊的人是旅遊的，我們全副武裝走過去上廁所就幾異相，你可以話幾型仔，不過我就唔多覺！而如果行到war game場就仲慘，因為game場根本無廁所，而game距離山莊就仲遠，成十分八分鐘行程，打打吓game急起上來就行到去都瀨啦！攪到要就地解決，女士就一定唔可能，因為成場都是人，表演咩！
不過S-3有樣好，就是幾多人都收，如果星期六仲未搵到場，臨時臨急去s-3就實授你玩，好似無滿位這回事，因為自己試過。不過人多都唔係幾好，試過成百幾人迫在車輪陣就連行都行唔到，個個掩體都有人，無位走，好似等運咁。無計啦，唔夠人就要玩散團，你有無興趣一齊玩，我都組緊班，夠人就去元朗公庵的訓練營，那兒最好玩，不過就要獨立成團。

有!s-3同埋s-3場比較細，收費貴，去就去大棠野戰中心，場大，收費平，有停車位，場地多而大。
當然最大梗係三軍啦!