5知我隻倉鼠係咪有左(BB)???

女鼠當然有可能買返唻前已經懷孕(我都試過買到),但唔一定有左先大隻過人,有以下原因都會有你講既情況:
1)有左都唔會大兩倍咁多,一齊買都唔=長大速度一樣,細隻既鼠唻講,佢地年紀只要差幾幾日,身形已經可以差好遠.
2)佢地食既野未必一樣,可能一隻食既野令隻鼠過肥都唔定.
3)身體有腫瘤都會突然肥
4)鼠鼠會有假性懷孕

如果鼠鼠懷孕,大約15-19日就會生bb,懷孕既特徵有以下幾點,但的確唔易肯定:
1)鼠媽媽個肚會忽然大左少少,但食得太多野都會肥.
2)乳頭會較為明顯.
3)心情煩躁,但兩隻鼠一齊,好多時會有打交既情況,所以冇bb都會咁,所以難分.

佢地一大一細放埋一齊其實好危險,好易打死.鼠鼠唔係咁輕易會叫到人都聽到,因為佢地既音頻同人唔同,所以多數有病or感到壓力等負面情況先會係咁叫,所以要加倍小心去處理,如果只係住埋一齊一陣,當然可以月8到有冇打交,如果住既時間耐,會有少少時間睇唔實既,就有機會打交啦.
聞pat pat可能係想交配,但都可能係打量一下對方

如果你懷疑佢懷孕,就要留意以下幾點:
1)將鼠爸分開
2)唔好接近個籠,唔好掂鼠媽媽同bb,盡量等到鼠bb戒奶後先洗籠(大約18-21日戒奶)
3)用奶粉沖d奶代替水俾鼠媽媽飲,記得唔好俾鮮奶,唔係會令鼠鼠肚唔舒服既
4)放定好大量既食物入去,之後換食物換奶都要小心唔好俾鼠媽媽發現,到鼠bb識行之後,食物就要整碎d,唔係bb食唔到/食左落去吞唔到就大件事.
5)唔可以將鼠bb同媽媽分開,唔係bb就冇野食,生存唔到.我細個既時候,有人教我用手餵bb飲奶,但咁係唔可行既.
6)另外,如果用既籠係通風,bb可能會趺出唻,可以用d膠file整開包住個籠,但記得要整多d小孔,唔係就冇空氣

食自己鼠bb有幾個原因:
1)如果鼠媽媽覺得bb有危險-媽媽會食左bb/收埋bb入腮,令鼠bb缺氧,都會食bb
2)鼠媽媽覺得bb養唔大-鼠bb身體弱 or 自己冇足夠既奶分俾佢地
3)鼠媽媽覺得bb有第d動物氣味
4)鼠媽媽情緒太緊張-有第隻鼠在場,有外來環境令佢緊張,有人打擾佢,甚至只係因為生育而情緒緊張
5)鼠bb死左
6)鼠爸爸對bb根本冇咩感情,所以如果生之前冇將鼠爸分開籠,爸爸就有機會會食bb

唔知點解你要繁殖鼠鼠,我本身好反對人養倉鼠唻繁殖,因為真係有好多問題,如果你想倉鼠繁殖既話,希望你可以考慮一下以下幾點:
1)倉鼠天生根本就係獨居動物,根本唔適合群居,就算兄弟姊妹,都一樣可以打到死晒.未戒奶都可能會打得好犀利.
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題..
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢.

2007-05-06 17:14:26 補充：
其實我有講埋有左要做d咩,麻煩睇一睇"懷疑佢懷孕,就要留意以下幾點",及"食自己鼠bb有幾個原因"

2007-05-09 00:19:48 補充：
唔會因沖涼而失去bb,除左鼠鼠當中受過d咩傷,趺親整親等但鼠鼠唔可以成日沖涼,沖得涼多會令鼠鼠抵抗力減低,一星期沖一次就可以了,實在太污糟都只係最多沖兩次.而懷孕既鼠需要寧靜既空間,成日拎佢沖涼,又或攪佢,都會令佢情緒不安,好易令佢日後食左d bb

2007-05-19 15:56:46 補充：
睇到有話鼠bb一星期要食水果,其實絕對地唔可以1)鼠b一星期大,只係剛出毛,要到12日大左右,先會出去搵食2)如果親自俾bb食,一來會哽死,二來會令鼠媽媽好緊張,可能會食bb3)水果好快就會變壞,如果成日更換,都會令鼠媽媽緊張4)就咁放在籠等bb食既話,絕大機會係鼠媽媽一個食晒,咁會做成肚瀉5)水果只可以食極少,食得多會肚瀉,所以我就唔建議亂俾水果俾鼠鼠食

倉鼠於兩個月大時便可進行交配（你買倉鼠時，牠們應該只有一個月大），母鼠的懷孕期為兩星期，但通常牠懷孕後一星期你才會發覺，此時請立即把其他的倉鼠分隔開，讓母鼠獨個兒休養，在籠中多放一些木糠和食物，然後把籠子放在隱密、不受干擾、乾爽、通風良好的地方。之後只可靜靜地觀看，不要清理籠子（等到幼鼠開眼後才可清理），不要騷擾牠，牠自會順利地產下鼠仔來。

　　幼鼠全身覆蓋著粉紅色半透明的皮膚，身長大約有 2.5cm。當母鼠產下鼠仔後（通常會有 2-10 隻），更加千萬不可騷擾牠，甚至摸牠，否則牠驚慌之下很可能會將所有親生仔女咬死及吞下（不是說笑的），到時就後悔莫及了。不過你仍要經常留意食物和水是否足夠，不足的話便要靜靜地添置。另外，最好每隔幾天加一些牛奶給母鼠喝，以助長牠的乳汁分秘。生下的鼠仔可能會分散而且到處亂爬，顯得很可憐的樣子，但請不要理牠們，否則．．．．．．當母鼠要餵奶時，牠自會叼起牠們，然後放在一起開始餵奶。

　　當鼠仔長到一星期大時，全身會長滿毛，此時應儘量多放一些新鮮水果，讓牠們從水果中吸取更多水份，以免缺水便秘而死。鼠仔長到兩星期大時會開眼，但仍要繼續吃奶，此時終於可以清理籠子了。到三至四星期大時鼠仔才會斷奶，成為真正獨立的倉鼠。

　　好了，現在是時候為這批鼠仔打算一下了，究竟是要自己負起飼養的責任呢？還是要把牠們送給其他人養呢？如要自己養的話，一定要把雌雄鼠分開來養，以免牠們雜交（即是阿哥與阿妹交配，或阿媽與阿仔交配等等）。你必須及早作出決擇，因為鼠仔斷奶後半個月就會成熟而開始雜交，後果是產下一些蠢蠢鈍鈍的子女，哈哈，到時你就頭痛了。

　　總而言之，如果閣下打算買雌雄一對倉鼠生仔的話，務須仔細考慮一下：你有耐心飼養牠們的一批後代嗎？你有「後路」嗎？（即是有沒有送走鼠仔的方法途徑）當然，你可以把過多的鼠仔送給鼠店老闆，我想他/她應該會樂意接受的。

還有,千萬不要接觸bb,因為可能媽媽嗅到bb身上有異味,會把牠咬死!!

一定有左(BB