會考暗戀了坐我附近嘅一個女仔......

上星期考中文，喺課室見到有個女仔坐我附近，愈望愈對佢有好感，
而且覺得佢考試前/後有時好似偷望我(我唔係靚仔 )......但始終唔敢同佢Say Hi......
跟住返嚟，見個女仔上過我個Xanga.....跟住我就上佢個Xanga，Add埋佢個MSN....
而且我Check返，原來跟住全部CE都係同佢一個試場考架!!連Oral都係，只係同一日而唔同時間....

嗰晚我開MSN，佢同我Say Hi，但係當我話比佢聽我坐邊個位，佢又好似唔多睬我，
我問佢兩三條問題，佢只係答返我問題，而冇主動同我講野，
我又驚佢嫌我煩，所以再冇同佢講野....

到前幾日(考Econ前一晚)，我地再傾咗幾句，佢又叫我會考要加油等等，我話佢都係...
但係始終都唔敢直接同佢傾計，因為次次一考完，佢都會同啲friend一齊...

呢幾日我都坐喺佢附近，究竟可以佢講乜野好呢?
我諗住過幾日CE走嗰陣.....直接想問佢可唔可以同我做Friend呀......
各位愛情高手，我可以點做呢?