幾多個月開始清胎毒?

日日飲豆漿係唔會太寒涼,仲係好有益 wor......

其實我生個女之前我8個月就開始食涼野,
到9個月就1 week 食一次龜O糕& 1week 飲1次白蓮鬚加蛋(有助去胎毒,奶奶教)

我而家同你一樣都係有左5個月,第2個 BB 喇 !!

**妳同我－樣,要努力生個肥肥白白既 BB 呀 ^_^

1.其實六個月到,就可以清胎毒,當時,我就一個星期食一中龜令膏,食到生,我兩個bb,一出世兩個面,都好乾淨,無粒粒.
2.其實我建議你都係等到6個月先食會好啲
3.其實豆漿係有益飲品,日日飲對你同個bb都會好.多鈣,對你日後生完bb都會好.生完bb鈣質會特別流失.多吸收係好的.

白蓮鬚糖水 (助產及有助清胎毒)
飲用時間: 臨盆前一個月至十五天前飲用。白蓮鬚屬平性的食物, 無論涼、熱底的人都適合食用。一星期可飲用1至2次。如要清胎毒之效, 孕婦則在懷孕後六個月飲用此糖水才具清胎毒之效, 將近臨盆時飲用效果不大。
功效: 1)固澀 ~ 白蓮鬚乃蓮花的花蕊, 性平味甘, 有固澀(即止血)、補腎,、消熱毒之效, 而雞蛋則有蛋白質, 此糖水確有助防止生產時大量流血的作用。
2)補腎 ~ 由於孕婦需要養胎, 腎氣一定有損耗, 具補腎作用的白蓮鬚能使孕婦生產時有氣力, 生產過程會較順利。
3)解胎毒 ~ 所謂胎毒, 是指孕婦身體內因常吃油炸食物而產生的「血熱」, 令嬰兒出生後易生瘡、奶癬等皮膚病。孕婦在懷孕後六個月飲用此糖水才具清胎毒之效, 將近臨盆時飲用效果不大。
材料:
白蓮鬚…………..3元
雞蛋……………..2隻
冰糖…………......適量
水………………..6至7碗
製法:
凍水放入白蓮鬚及雞蛋(連蛋殼), 煲滾後以慢火煲45分鐘, 以冰糖調味即成。

芝麻糊糖水 (助產及滑利胎兒)
芝麻有潤腸通便、溫補的作用, 身體虛寒的孕婦, 通常都會有便秘的毛病, 胃口差, 大便雖軟, 卻無力排出, 而做成宿便。若生產時有宿便, 會阻礙直腸, 令孕婦難以將BB推出產道, 再加上孕婦腎氣哀弱, 生產更加困難。
飲用時間: 懷孕頭三個月若有作小產現象, 不宜食用。往後可一星期一次。產前一至兩天應吃一碗, 有助排清宿便。
功效: 1)補腎黑髮 ~ 由於芝麻有滑利胎兒的作用, 促令產婦更易生產。芝麻更有補腎、黑髮的作用, 嬰兒要靠母體的血液養胎。所以, 吃芝麻可令嬰兒的頭髮濃黑。由於芝麻有滑胎的作用, 懷孕三個月, 有作小產的情況不建意食用。
2)高纖 ~ 芝麻纖維高, 確有肋孕婦排便; 另外, 芝麻糊有豐富的維他命E和礦物質, 每碗(240毫升)有10克醣份。

我7個幾月開始 飲涼野....
1個星期飲1次白蓮鬚、1次芝麻糊、1次腐竹白果糖水...
至於豆漿...就每週飲2~3次...唔敢飲咁多...
因為每日都飲緊涼野....唔敢飲咁密...
近期多飲左..維他奶...