倉鼠糧問題

請問倉鼠糧會唔會過期架?
鼠糧當然會過期啦,所有食我既野都會有過期既一日,但我都知d糧好似好多都冇有效日期,又或有d鼠店會特地搵野貼住個日期,所以買糧既時候要好小心,有d會有d昆蟲既添.買既時候定住主實d糧(睇到既位置),睇下有冇問題同有冇野郁(定實先睇到有冇野郁字)


鼠糧過左期,還是食得太多野令佢肚痾呀?
d糧壞左仲俾佢食當然有問題啦,真係唔好再俾鼠鼠食啦,鼠鼠知飽,係唔會食得太飽既.



倉鼠係唔係唔涼得冷氣架?會唔會凍親肚痾?
如果冷氣風口係咁吹實又或吹得太近,好易會令鼠鼠傷風感覺,但就應該唔會咁而令鼠鼠肚瀉.記得風口位唔好係咁吹到,如果唔近,而冷氣凍既程度又未話極凍(最少人唔洗著多件3),都冇咩問題既.


d膠粒會唔會俾食左令佢肚痾架?
食膠當然唔好啦,但我諗你講既情形應該未有問題既,我以前有隻鼠,忽然食左好大舊膠都冇事..呢d好難避免,買d磨牙石or木制玩具俾佢咬,改善一下問題啦.

會唔會是呷醋呀?
唔會,佢地唔係人,唔可以用人既方式去諗既.但一定唔鍾意有外來既鼠一齊住,因為鼠鼠係獨居動物,有第隻鼠一齊會令佢感到壓力,咁會令佢唔食野.而且兩隻或以上既鼠一定會打交,多數打交時都係夜晚(鼠夜晚活動),而有打交or壓力,好易令鼠鼠病,咁都有可能引致肚瀉,甚至濕尾病,非常嚴重既.

首先有病就一定一定要分籠先,再處理佢肚瀉既問題,唔分籠一來會傳染,二來一隻鼠弱勢時,第隻鼠係好易乘機打死佢既.
肚瀉既要留意以下幾點:
1)買d止瀉藥加入水度俾佢飲
2)唔好食零食之類,蔬果更加唔可以食啦.可以俾d白麵包or麥片佢食.
3)有第隻鼠一齊就要分籠,因為會傳染既.
4)肚瀉不止or瀉得嚴重,就最好去睇醫生啦.
愛護動物協會診所資料:
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html
5)密切留意下佢既排泄物變化,留意鼠鼠尾部會唔會成日濕晒,如果濕既話整乾淨又會唔會再瀉返,長期濕就可能係好嚴重既濕尾症.而濕尾症就多數好難會好得返,好快會死.最好就盡快要睇醫生.
6)保持個籠衛生
7)接觸鼠鼠之前之後都洗乾淨手,自己有唔舒服既就唔好接觸or靠近鼠鼠咁多.

另外,我覺得一籠一鼠先好,唔知你兩隻係同性別定唔同,如果會繁殖就會有更多既問題,希望你可以考慮一下以下幾點:
1)倉鼠天生根本就係獨居動物,根本唔適合群居,就算兄弟姊妹,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既.
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢.
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨..所以鼠店講既野,,唔好盡信,鼠店有鼠死左都唔會俾客人知呢.
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦.
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶.