家長唔比遊學

其實你最重要係比佢知道你去邊、同邊個去
如果係學校搞既,我覺得佢會俾你去:)
但如果你係自己一個又話姐其他果d既,我覺得佢就唔會咁俾你去!

係呢個時候.你唔好發脾氣(因為我自己都有經驗.阿媽一唔俾我就好炆)
你同佢解釋你去係想學多d野,獨立下,認識快d野
如果係去外國既話,你可以同佢講想學好英文!

你又要同佢保證要好好照顧自己.每日打電話同佢報到.交待一切

呢段時間,你要俾佢睇一面獨立既你.
例如:平時係屋企,你咩都唔整,你就收拾一下,幫下手咁!

如果佢死都唔俾你去.
你就問佢點解啦.
如果係話擔心你之類既,你就要俾佢睇你唔使擔心,同埋承諾更多.

試下啦:)

搵日無啦啦幫佢做家務
笑住口...
扮哂溫柔體貼...

跟住就話自己想學下獨立...
又想識多d野...
(講一大堆遊學好處)...

佢9成9都畀你去~~

預祝成功!!