好唔鐘意我奶奶

你地結婚4年咋喎, 咁快覺得好悶? 不如我分享下少少經驗吖.
先講你老公. 現今好多夫妻都有一個心態, 就係 "老馮" - "車! 婚都結埋啦, 使乜咁多花臣!" 婚前就卿卿我我, 拍拖, 唱歌, 玫瑰成日有, 溫暖頸巾日日織. 婚後就煮飯, 湊仔, 去打波, 生日係咁意食餐飯. 個男人就屙尿周圍射, 有鬚唔剃, 專係被竇入面放屁. 個女人就d bra同底褲黄哂都唔掉, 成面油周街打仔. 一個唔好彩做埋肥師奶! 咁嘅情況係因為無 "危機感". 舉個例: 我有個uncle同auntie結左婚50年(!!!). 50年中我auntie每晚一定遲過uncle瞓, 早上一定早過uncle起身. 點解? 因為佢唔俾uncle見到佢落左庒個樣, 亦唔會俾uncle見到佢早上成面油, 大大粒眼屎. 而我uncle就永遠唔會叫auntie "老婆". 佢有個好特別嘅叫法, 佢叫auntie做 "珠". 唔係因為佢個名有 "珠"字, 而係 "如珠如寶" 嘅簡稱! 70幾歲拖手仔行街, 驚喜隨時奉上. 好肉麻, 好誇張?? 係! 但佢兩個都有 "危機感". 70歲都驚對方悶. 要知道, 當樣樣事變成老馮, 愛情變成感情, 你地會悶, 想揾新刺激. 危機亦隨之而來! 你上次對老公講 "我愛你"係幾時? 你老公上次送花俾你係幾時? 你老公時時返屋企, 其實都係唔想留係屋企, 你眼望我眼咁悶啫!
不如試下咁吖?! 揾日放假, 交個仔俾人湊. 同老公入赤柱 / 西貢d露天酒吧, 吹下海風, 天南地北傾下計. 又或者係屋企柵埋大門, 由房做愛做到出廳, 大戰18回合, 玩盡各種花式. 又不如試下陪你老公去打波, 做佢一人啦啦隊吖? 佢覺得同你一齊好開心自然寧願陪你好過返屋企啦
再講你奶奶. 係父母眼中仔女, 永遠唔會長大, 永遠要父母照顧. 你係你奶奶眼中, 你碌奪左佢呢個權利. 你無提到你老爺, 我諗佢ham左 (如我估錯一萬個sorry!). 咁重大鑊! 佢無老公, 自然想有個仔倚賴下. 而你就順理成章變成 "搶走佢唯一倚賴的人". 咁佢唔敵視你就假! 你感到佢敵視你, 你自然起哂 "剛", 將好小事放大. 例如: 你話 "...時時都話我個仔似佢個仔...", 個仔係你生嘅, 點會唔似你? 而且關人乜事?! 使乜理人講乜?! 你話佢d食具舊, 唔清潔, 咪同佢話 "既然成日黎食飯, 不如放兩套餐具係度, 唔使用公筷". d野唔好食就食多d飯, 食少餸囉! 唔好食你老公都食左咁耐啦. 偶然一餐有乜所謂?!
佢要你叫佢做媽咪, 個人經騐, 我叫我外父做 "爸爸", 外母做 "媽". 自巳爸爸叫 "老豆", 媽媽叫 "媽咪". 分左親疏時, 又唔得罪人. 考慮下啦! 而且你有無諗過, 叫佢做媽, 拉近左距離, 佢會無咁敵視你呢?
你個仔得3歲半, 咁快佢就知道你個仔唔夠人叻?? 唔係乖就一定叻o既! 世界首富Bill Gates都有學唔番, "呢"係車房玩電腦啦! 佢夠唔乖啦! 但你話佢叻唔叻?? 個仔係你嘅, 你認為佢叻就得啦.
漫漫長路, 放鬆d啦!!

呢篇文好好,講得好通俗有趣,分析得層次分明,不是說教式的訓話,本來我認為發問者對奶奶的態度都有點問題,而回應者却用嘻皮笑臉的文章使她樂於接受自己都有不足的地方,真希望天下間的婆媳都不要把對方當作外人,耍接受對方是自己家庭一份子,像母與女一般就天下太平了!

呢位施主,

其實你既問題, 都代表左"新一代既女性"同"上一代思想既奶奶"所存在既"水溝油"問題,

以我所識既女性朋友當中, 十個幾乎有十個都有不同程度唔鍾意自己既99.

而總括以上分析, 得出黎既結論係: 現代既女性比較獨立, 自主....其實係好事, 以前既女性好冇地位, 依家社會鼓吹男女平等係好, 我好贊成.

諗深一層, 99都做過人地新抱, 點解會咁對自己呢? 佢地多數會以自己以前既經歷去睇每一件事. 覺得以前自己都得, 點解自己新抱會唔得? 常常會用以前既事黎做比較, 忘記左社會不停咁轉變緊...

所以, 呢個"水溝油"既問題, 往往都會常常做成衝突. 點解現今冇乜新婚夫婦願意同老爺99住就係咁解...大家都想有自己天地, 空間...好正常. 家陣除左大陸嫁落黎香港既女性肯同99住之外, 相信都冇乜幾多個肯咁做.

既然係咁, 你既情況我好同情, 問題係, 你會"無奈接受"定還是打算"有所行動"呢?

"無奈接受" : 當然係要令到自己放開d去睇, 豁達咁去面對. 加上你有返吓教會, 多d同人分享, 講左出黎個心會舒服小小...然後學吓"寬恕"...呢樣野唔易做, 因為一做就係做到底, 的確唔易. 但係至少咁樣樣, 你屋企既家庭會保持完整, 唔會有咩野問題出現....但自己會不斷承受壓力...要懂得釋放, 唔係真係有朝一日痴左線, 有精神病就慘....所以, "心要靜, 勿亂仇"

"有所行動" : 即係將件事拎出黎講, 當然"後果"會係點, 真係唔知架~~ 好睇係既講法會唔會令大家接受, 講出你既唔開心地方係邊, 先同老公商量, 再搵個時間坐底一齊傾吓, 係以輕鬆既心情去講, 千祈唔好用責罵既心去講, 一句說話, 唔同態度去表達, 都有唔同效果出黎. 所以, 如果你返教會的話, 就求問吓神應該點幫你去解決. 要記住, 可能講完未必即刻有反應, 但唔好咁易放棄, 你有心, 總有一日一定得.......^^