閃光燈~高速同步?

單鏡機由於有快門簾的關係,曝光過程中快門簾會在鏡頭前經過.所以鏡頭前有一段時間係乜都冇,有一段時間係有個快門簾在走動,用閃光燈拍照,如果要整張相都照到,鏡頭前唔可以有嘢擋到.
400D的同步快門係1/200秒.即係快過呢個快門,快門簾就會擋到鏡頭,唔用閃燈冇問題,因為畫面可以分段曝光,睇落去都係一幅完整既相,但用閃燈就可能會擋到出現黑影,閃燈雖然係快都要1/200秒先可以俾到足夠光度.
幾時會快過1/200秒呢?烈日當空相機當然識得收細光圈等快門冇咁快,但係你又想用大光圈做淺景深喎,你會發覺唔開高速同步用閃燈的話,快門最多都係1/200秒,因為相機唔想張相一半黑咗,如果夾硬影張相會因為曝光時間過長而白晒.
高速同步的原理係發出一連串火力較低但速度較快的密集閃光,於是整個畫面在不同時間都有閃燈照到就唔會有黑影,但又快又密的代價就係火力會大大降低,越高速越明顯.