應唔應該繼續?

佢都唔會離婚,你就放手吧啦..

佢之前同佢老婆分居,之後又決定唔離婚,其實已經好有問題.你點知佢只係為左個仔唔離婚?呢d都係佢片面之詞.
當佢冇呃你,只係為左個仔啦,唔通你就咁樣偷偷摸摸咁跟佢一世?

而且佢就同你講為左責任所以唔離婚,就咁睇當然係好似好負責任咁,但你睇真d啦,佢對你又有冇負責任?你同佢冇結婚都唔代表唔洗負責架喎,都要對感情負責先得架!邊有咁著數屋企一個出面又一個?對你對佢屋企都唔係負責任既行為.

我明白佢一唔在你身邊你就會諗佢同佢老婆點樣既心情,我知係好難受既,點解要咁委屈自己呢?不如決絕d,同佢分開,俾d機會更加關心你既人啦,世界上唔止一個男人,仲有其他會真真正正負責任既男人.

個人意見,希望唔會令你感到不安,祝你早日搵到你既幸福!

我覺得你要清醒D,因為這個男人不會同佢老婆離婚,你地無將來,你得不到幸福,只顧住現在的開心,開心都只是假像,不理後果,如果你選了他,你就揀了一條漫長痛苦的路,你現在開始亂諗野,覺得好寂寞,點解你會折磨自己,日子耐了,你會頂吾順.吾開心多過開心.

他和老婆同個仔係你背後不知幾幸福幾開心,他可以享齊人之福,而你………..,不要把青春浪費在這個男人身上,很不值得,這是一段不正常的關係,沒有結果,選一個能給你將來幸福開心,的人,過一個正常的人生,不要選一條灰暗看不到陽光而又汳拆難行的路呀.

呢個男人好鬼死自私！！！

竟然拖住兩邊都唔放手... 佢就係睇到你心軟唔捨得放低佢，所以佢講明俾你知佢唔會同佢老婆離婚，但又話唔會放低你... 咁即係要你一世做第三者，一世唔見得光，一世得唔到真正o既幸福，亦唔會得到家人同朋友o既認同和祝福... 呢個男人真係好自私！請問佢有幾辛苦？你同佢比，邊個辛苦D？佢要享齊人之福就要有所付出，如果佢唔抽時間陪你，咁你就可以順理成章放低佢！佢邊會咁傻？呢D係佢自己攞o黎o既，完全唔值得可憐！！

最重要個問題係你，呢個世界唔係只得佢一個男人... 你依家有人追，有人對你比佢對你更好，咁你仲諗咩嘢？等到自己人老豬黃，等到佢唔要你，等到你再無人追o既時候先至放手？唔好咁傻啦！呢個男人根本唔值得你再花時間係佢身上！亦唔值得為一個咁自私o既男人背負第三者破壞人地家庭o既罪名！

唔好再做第三者o勒！希望你早日搵到一個和你真心相愛o既人！祝好運！

照你這段話，旁觀者都覺得你已分析好了，這男友有的不只老婆，而且仲有個仔，老婆一定唔會離婚，你一定不能介入，這男人又要負責任，即男人又不會放下妻兒，這段痛苦的感情，無疑，在人心中你是第三者，勿論分居與否，他們現始終還是一對夫妻。
眼看你亦是一個長情的人，真心放感情上，所以如你自己說，你現有其他人的追求，而且又開心過同佢，新追求者更關心你，其實你自己心中已選擇左啦。