測光鎖定與閃光燈(數碼單鏡機)

用戶194391

2007-05-05 11:02 am

本人新手玩400D
咁耐以黎都係用M
但係自從有左支420ex既閃光燈之後就發現左好多問題~

首先咩叫測光鎖定...係有咩野用架?
同我半禁快門去測光有咩野分別呀?
測光鎖定對M係咪無用架?

之後就係閃光燈本身既問題
咩野叫做E-TTL II \\ E-TTL \\TTL?
高速同步係咩野黎呀?
咁我點知幾時先要用高速同步呀?
仲有我睇過下說明書,但係唔明一樣野就係,
點樣去set閃兩次燈架?(C.Fn??)
C.Fn咩野黎呀?

最後我無論開閃光燈好唔開閃光燈好,
同一個倒,同一個光圈,快門,
去測光都係一樣,咁我應該點呀?
因為我正常唔開閃光燈去測光,正常黎講只要測光個條bar,
去到中間就ok架喇(當然有例外),即係話我用閃光燈,
就要減低d喇,但係我點知要減幾多檔呢?
仲有E-TTL會有影響嗎?

回答 (1)

島耕作

2007-05-05 4:45 pm

✔ 最佳答案

測光鎖定
一按相機就會記住當時既光圈快門,無論怎樣再構圖也不會從新測光,舉例你用中央對焦點及點測光影側邊既人,如果對完焦後無做測光鎖定,咁再移相機時光圈及快係會變的.當然M mode沒有影響,但相機測光資訊可能出錯,即係佢話俾你聽under,over幾多級既指示.
TTL係through the lens咁解,即係在鏡頭後才測光,好處係即使鏡頭或閃燈加咗filter都唔影響測光結果,通常係靠閃燈預閃一次相機就會跟據入射光的強度調節閃燈輸出.至於E-TTL,E-TTL ll等就係TTL的改良版,例如影細物件唔會爆呀,自動搞下色溫呀等等,總之有新用新囉,不過亦有人嫌自動功能太多變數(例如深淺色,太光太暗位都影響輸出),會用翻最完始的手動閃燈.
單鏡機由於有快門簾,在使用閃燈時有快門限制,如果在光線充足時開大光圈就會因快門過慢而曝光過度.用高速同步就可突破這個限制但閃燈火力會大幅下降
C.Fn就係在一次曝光中閃超過一次閃燈,目的係做啲特別效果例如在黑暗中的飛機軌跡等.點set你要睇說明書
一開閃燈相機就會當咗閃燈係唯一光源,唔理現場光,你想睇現場光測光結果可以用測光鎖定,咁相機知道閃燈只負責前景,後景靠現場光.

👍 0 👎 0