唉....入黎吧(2)

你呢d咪叫屎猑痕lor 又要玩人又唔tum番人 抵佢嬲左你ga wor

你係要玩佢同佢開玩笑既話 就唔該諗定點tum番佢先
其實我見佢都真係咁中意你 可以好簡單 真係好簡單
係佢開始唔開心 嬲樣個陣 一手抱佢入懷 用好溫柔既聲線講"我玩下ja 唔好嬲啦"
佢點會唔緊緊抱住你丫 其實你要tum一個中意緊自己既女仔 真係一d都唔難
你只要為佢做少少野 等佢知道你緊佢愛佢 佢已經會lum哂

仲有你唔好成日問佢係唔係嬲你 你知佢係有唔開心
咁唔通佢同你講 你個仆街成日玩我我好唔開心 咁咩
佢自己唔開心又唔想令你唔開心所以先話無ja
你係覺得佢有唔開心既 唔該你花d心思去tum番佢啦
唔好再問佢係唔係唔開心 去買d野又好 自己整d野又好 再懶d諗d好感人既說話
去比佢知道其實係因為你中意佢 先成日玩佢 唔係因為想玩弄佢

你丫 有個咁成熟咁抵得諗咁愛自己既女朋友 恨死好多男人 包括我丫 唔該同我對自己條女好d丫 如果唔係會比雷劈ga

其實拍得拖,就應該學識尊重同忍讓,如果你真系鍾意佢,點解你又會成日激嬲佢呢?仲要系無心添,咁可想而知你對佢既著緊程度同埋了解程度都深極有限了,你真的要反省反省。

我唔知你做過d咩激佢,不過如果嚴重到話冇拖拍,如果佢系對你認真的話,你所犯既錯應該都唔細,而且好乞佢憎,如果你地唔系玩玩下果隻,你應該細心諗下點改善自己了。

咁啦,如果你真系好鍾佢,而佢對你又系真心,你試下同佢講,試下改善一下自己,話你好希望佢原諒你,再俾多次機會你,因為你真系真心鍾意佢。如果發覺最終都系唔得,例如你改唔到,而佢又接受唔到,又或者系佢諸多挑剔,咁我諗你都系放手吧,咁樣大家都會舒服些,同埋如果佢真系好鍾意你,佢都會留你,況且前面仲有大把路行,話唔定遲些會碰上有緣人。

記住,真正的拍拖是需要互相尊重、互相忍讓,勉強捱下去的感情只會帶來沉重的痛苦和精神上的折磨,不如早點放下已死的感情,重投另一段美好的生活吧。不過我不是鼓勵你放手,只是當你感覺到已經再沒有感情時,就要學識忍痛放手,因為唔放手會更加痛。

希望你參透得到,祝君好運。

只要你心中仲有對佢既愛，你就唔應該放手。
如果佢唔係愛你，唔在意你的話，佢就唔會嬲你啦，係咪？
你同佢講聲對唔住，以後做事講野要諗清楚，因為係收唔返。
後悔果陣就會太遲。
如果大家有咩事咪講清楚囉，做咩要嬲黎嬲去。佢應該唔係第一次嬲你，佢不斷俾機會你～加油！！！