✔ 最佳答案
如果你已有了戶口,你就帶埋簿仔同身份證去客戶服務部話開支票戶就得了,唔使錢的,咁其實提存戶既戶口根本冇錢起入面都得既(紅色果隻簿仔先要有$5000架)…你有10,000都已經好好了…所以冇所謂,其實以前開支票戶時要放1,000入去先架但轉頭可以按反出來既…而而家好似連錢都唔使入添…,即開會即有支票簿比你,但得10張,而呢10張係冇你個名架,如果你係用來抽新股既,你要叫銀行起後面加反你個名先可以用來抽架…(再唔明你到時同職員講話你用來抽新股用,佢識點做了!!)而印有你既名既要10日到先寄比你架(你開戶時職員會自動幫你申請了)!咁其實支票簿分二種的,一種係可以拿現金的叫"持票人"支票,寄比你要收$25掛號費架,但你如果多數用來抽股既,申請"指定人"支票就得,呢隻會用平郵寄,咁就唔使收任何錢架…仲有呀,到時提埋職員將你個新既支票戶口號加埋落你既提歀卡到,第時方面你轉數同拿錢!!
另我建議你開埋股票戶口同電話銀行,因你如果抽中股票都要入倉的,中銀開係唔使錢的,但每半年會收$100存倉費,但有貨先收,冇貨唔使收的,而電話銀行係方面你買賣,放股票用的,轉數呀各樣…咁橫掂你都開架!啦,一次過開埋唔使到時要用時又要再排過隊呀…反正你未用時咩都唔使錢既,開定冇蝕底呀!!