✔ 最佳答案
諗嘢鑽牛角尖即係諗得過份咗...
你知真o既牛角尖係點樣子呀? 鑽入去牛角最尖個位, 諗埋一邊, 諗得太深入, 焗住自己去咗死角位, 無得走盞!
例如你想約女友出街睇套戲, 但又怕女友唔鍾意o個類戲, 諗住就下佢睇另一套, 又可能比人話無性格, 於是唔睇戲, 淨係食飯, 咁又好似好齋, 搵埋班friend唱k, 但又無得二人世界, 都係睇戲好, 但係睇乜好呢... 買定飛比個surprise佢好唔好呢...
又例如你始終都唔明鑽牛角尖點解, 咁點算呢... 佢會唔會同我分手呢... 佢會比幾多次機會我呢... 我明白咗o既話, 佢會唔會好開心呢... 朋友會唔會讚我呢...
諸如此類的想法, 就是想得太多, 想得太複雜.
如果係生活上的問題, 大家有商有量, 一起解決, 唔係自己毫無方向咁亂諗.
如果係工作上的問題, 處理好手頭上的工作, 考慮到處理得唔好o既最壞後果就夠喇
如果係性格上的問題, 要多D留意下呢個世界o既事, 身邊同自己性格唔同o既人.
做人都係簡單D好~~~
^6^