新缸養水問題？

你問得養水,即係你知道((養魚先養水))既道理!!係一個好既開始!!所以未養好水,唔好心急去養魚!!如果水都未養好,之後多多魚都唔夠死,仲會有好多問題發生!!
而養水方法一般都以一星期為最基本時限!!
而一般新缸,因為唔知佢之前響魚舖存放情況係點,所以有可能會有好多污積同細菌,而制做魚缸時,亦會有一定既有害物(如:玻璃膠既化學成份),所以新缸同所有要用既器材都要清洗(多數一至兩次),清洗之後可以用濃鹽水浸缸一晚,咁可以更有效咁進一步殺細菌!!放走哂d水之後洗走鹽水!!如果冇舖底砂或泥,可直接加水響魚缸中,但如果有就睇下下面一個補充!!
(((補充)))另外如果有舖底砂(舖泥底做法都係咁,),先用筲箕(西)走d比較細既砂粉!之後一定要洗砂幾次,(如果用泥就浸一晚就用得)因為d砂係勁污(joe)唔可以懶既一個步驟!!洗好之後就舖響缸中,之後加水前要放一隻碗或一隻碟響砂面,之後加水響碗或碟上,但唔可以快,如果唔係會沖散d砂,而d砂多數都仲會有小小唔(乾靜),如果加水太快,又冇碗或碟阻慢水既沖擊力,d砂,泥就會攪到d水好混濁!!所以加水唔好心急!!(((補充完)))
加好水之後就可以加小小粗鹽,同時響水中打氣,咁做可以加快新水既水中氯氣揮發!!最快24小時先會散哂d氯氣架!!而氯氣係一種傷魚物質,佢會破壞魚鰓,魚鰭,什至魚身表面保護層!!所以新水一定唔可以即時用黎換水或養魚!!要注意呀!!
等24小時之後,氯氣散既期間都唔可以懶架,可以同步做其他準備工作,就係cut好過濾棉既size,之後清洗過濾棉,生物環,活性碳等等濾材!!留待第二日用!!
到第二日就可以放哂所有濾材響過濾箱之中!!次序係底過濾棉--中層生物環--中上層活性碳--面層過濾棉!!不過活性碳係響有需要時先放入去,因為佢係用黎吸色吸氣味,仲會吸藥架!!放好濾材之後就可以開動過濾器!!開左之後就係最重要一個步驟!!!就係加((硝化細菌))液,第一次加((硝化細菌))份量係會多d架,所以係要參考你買到既((硝化細菌))說明書上既份量去用,之後都要定時補充((硝化細菌))響過濾系統中!!多數都係一到兩星期左右先要補充((硝化細菌))~
面((硝化細菌))係一種分解水中有害物既益菌,佢可以響排泄物中既有害物--(氨)轉化成冇害物等等!!!!而加左((硝化細菌))之後既頭3日,d水會白白地唔係咁清,但可以放心,係正常現象,因為水質未懚定,同時((硝化細菌))正在形成之中,到左一星期左右d水就會比((硝化細菌))懚定返架啦!!但都唔好心急!!不過想快就加水懚劑啦!!
最好就係去買2-3條細魚試水,如果3-5日之內d魚都正常冇事,就可以正式養魚架啦!!
但新魚到缸一定要進行對水同對溫,過程好簡單,就係一袋新魚,唔好解開,成袋放入水中,作用係先對水溫,等袋內水溫慢慢轉變成缸中水溫一樣,之後就搵 一個細水桶放d魚入去,慢慢將桶中既水分6次慢慢換成缸中既水,記住原有袋中既水係完全唔要架!!因為唔知個d水會唔會帶細菌!!仲有就係對水就係等魚慢慢習慣你缸中水溫同水質,所以以上步驟係比較保障!!
大至上養水到放新魚到缸既基本步驟係咁多!!
如有唔明可以再問!!如有錯漏亦希望高手指教!

2007-05-05 11:07:44 補充：
原來我睇漏左你既問題!!石春同水草入缸前都要洗下~響放水前就可以先放石春,放水之後至插好d水草~就係咁簡單,之後先做返上面所講既加(硝化細菌步驟)等等~

2007-05-05 12:16:29 補充：
仲有想多問下你,其實想養咩魚,仲有係想玩草缸定想買小小水草裝飾下?因為兩者有好大差別,如果只係裝飾下就冇乜所謂,但唔好種陽性草,因為要好多陽光~如果玩草缸,要配合泥底,co2,細化器,uv燈等等.....會用好多錢!!咁你想玩邊種呢??如果新手就唔好玩草缸,因為比較多學問,仲有金錢都係一個好重要問題~

新缸和所有濾水器材等等用具, 及所有裝飾物等等, 清洗乾淨之後, 需要浸水一晚, 以便將魚缸的玻璃雜質, 及濾水器材的塑膠氣味, 裝飾物的氣味浸去, 之後將水放掉, 再放另外新的水喉水進缸, 然後把清洗乾淨的生物環, 麥飯石, 濾水棉等等物料, 放進魚缸的濾水隔器內, 將濾水器開動最少一天(即廿四小時)之候, 將濾水棉取出清洗再放回, 然後把清洗乾淨的水草及裝飾物, 放進魚缸裏, 待水穩定之後, 然後才可放魚進缸, 否則新水的氯氣會令魚兒死亡, 以後魚缸加添新水, 都一定要放了超過廿四小時的水喉水, 才可加添進魚缸裏.
如果你家中有開冷氣時, 請緊記魚缸一定要遠離冷氣出風口, 並且魚缸要開暖管, 否則白天客廳有冷氣, 晚上關掉冷氣, 魚兒就會因氣温驟冷驟暖而死亡.
如養金魚就全缸都是金魚, 如養熱帶魚就全缸都是熱帶魚, 金魚和熱帶魚是不能共養的.

我的經驗是加石春 、水草、小小鹽，記要加打气，因鹽有化學作用，水草可分解水中微生物，石春可把固體物質隔開(不易在水中飄浮)。

新缸養水前3天,24小時都開燈,之後就每天開8-10小時
http://homepage.ntu.edu.tw/~b88401065/Fish.htm

首先唔好裝底喉，因為底喉會整爛d 草既根
最好用泥去種草，d 草會靚好多
其次係養好草先放魚 (大概要一星期後)
仲有每日都要開八小時燈，記住要用 T 5 管
如果唔養草，就裝底喉 兩三日後就可以放魚

PS 裝左底喉D 魚會比較易養

最好放缸水一至兩日,等d chlorine 走左先放魚魚落去