孔雀魚可能感染細菌死亡(星星快救我)

你上次唔係話可能個魚缸漏水咩?check左未??仲有下次講哂你個缸有咩響入面,可以更準確幫你分析件事!!
如果有石底多數都會出現你既情況,入面會有勁多屎沉哂響石底,所以如果怕魚有事,事前可以停過濾器,之後響部份水連魚一整取出,響另 一個魚缸or水桶養住先!!咁做係因為佢地習慣原缸水質,所以唔好用新水!!
咁之後可以慢慢吸d屎喇~最好事前最出大量魚缸舊水,因為你一攪d石,好易攪到成缸都係屎水,咩細菌都浮哂出黎~最好缸中既水得返1 吋左右,吸好哂,如果想洗石仔,又可以順手湄下,之後放返好哂d野入缸中,將原缸舊水慢慢放返入缸中!!之後再開過濾運行3小時左右就可以放返d孔雀魚入缸架啦~因為家陣都幾熱,所以唔洗對溫,不過係咁二都要對水!!
但如果真係冇舊缸水,咁就試下落小小粗鹽啦,對魚冇太大幫助,但起碼可以殺細菌!!仲有唔好再換水住!!因為魚隻呼吸咁快,可以唔夠氧氣同時身體好弱,再換水唔係咁好!!

2007-05-05 00:36:02 補充：
其實新手最好都係用(祼缸)養魚最好~(祼缸)即係缸中冇任何外加物,(如底砂,石,水草,假山等等)!!咁樣就可以慢慢學習養魚最基本知識,起碼冇左以上既外來因素影響養魚!!會比較易控制水質!!都有一定經驗先加野入去,不過加野都唔可以直接放入水中,(如:砂/泥)如果想知email比我慢慢教你!!

2007-05-05 00:44:08 補充：
你唔攪d石都攪左啦,不如抽一部份水出黎養住d孔雀魚先,咁個魚缸清走哂d石仔,用魚網(比較密個種),撈走水中既屎,之後落粗鹽響水中同時等過濾器過濾一晚啦多數響第二日d水會慢慢清返架啦!!唔好玩石仔住啦~拎走哂佢先啦!等d水定左先好再攪,如果d水定返,又見到有屎響缸底就慢慢吸走佢,再等到第二日d水會好好多,咁就可以響魚對水放返入缸中,但記住一定要加粗鹽殺菌,如果一尺缸,份量約一隻餐廳(忽)糖既匙既份量!!

2007-05-07 23:49:39 補充：
你都開始有小小掌握架啦~記住用盤養住先係冇問題,不過有多餘食物同屎就要吸走,唔係d水好易變差!!如果大缸養水期間,個盤d水變差,就要換1/4缸水,之後落小小粗鹽,有助殺菌架!!,大約用一粒白米咁多粗鹽趾蘆多架啦~我估你個盤都唔會好大者~仲有你去下面個網睇下,佢係我其中一個知識 最佳答案,係講養水架,入面已經有哂你要知既養水,除氯方法~~http://hk.knowledge.yahoo.com/question/?qid=7007050401423

2007-05-11 22:03:29 補充：
我依嫁開始養水,但係d氣汞只可供盤中的水使用,不能肋魚缸養水,揮發氯氣 仲有,你話生物環係點樣,有乜用? 答: 養水唔好心急,記住呀~氯氣揮發大約要24小時,打氧係加快過程,如果你想分多一個氣喉到大缸,可以去魚舖買一個(3叉分支,形狀係一個t字硬喉)只要響你原有既軟膠氣喉cut斷佢,之後再接駁(3叉分支),咁就可以分支多一條氣喉存啦!!

2007-05-12 00:13:43 補充：
你話生物環係點樣,有乜用? 我有好多粒黑色圓形但有好多個細洞既野係唔係生物環? 我冇硝化菌液,係唔係一定要買? 答: 生物環係用響過濾箱內,多數放響兩層過濾棉之間,而你個隻係生化球,同生物環功能一樣,而白色生物環會好用d,因為佢原名(陶瓷環),佢因燒制過程令表面有好多細孔,細孔就係比(硝化細菌)依附生長既地方,,而一般過濾程序都係大件廢物比一層過濾棉阻隔,之後再由第二層生物環/生化球內既(硝化細菌)響排泄物中有害成份--氨(即:亞摩尼亞)分解成冇害物質,有過程公式,不過唔講啦~所以生物環同硝化細菌擔當一個重要角色!!唔用又點得呢~

2007-05-12 00:21:53 補充：
自己又可唔可以陪養? 答:係可以,不過買支仲好啦!唔係太貴!$50左右有一支!!你可以將一個蛤俐肉或黑殼蝦(很容易腐壞,一個就夠了)放入裝有水的小盆子,再將濾材放入,水需淹過濾材,之後再等佢腐爛.....幾天後,水質會發臭同時混濁,可加強打氣, 入面會有硝化菌快速成長.盆子放一個星期左右,水就會自然澄清且不臭,這表示消化菌已經正常運作,就可以將濾材放入你的過濾器中了.呢個方法常用在海水缸,淡水缸也可以.但就期間會有惡臭,好難頂,所以你要有心理準備,可能比人鬧到你七彩!!仲有最好放響通風地方,但唔可以比陽光曬到,唔係講笑真係好臭,我試過一次,之後唔敢再試,臭到嘔!!

2007-05-12 00:23:14 補充：
P.S. 唔係未答你,因為我返緊工,有時要做野,做完野先可以答,仲有~我都要時間打字架^^"

2007-05-12 22:25:57 補充：
你冇細心睇我既解答啦!!上面有講(生物環)要配合(硝化細菌)使用!!!(硝化細菌)係將魚排出既屎中有害物(氨,又叫亞摩尼亞)分解成冇害物質,因為氨積聚過多會毒死d魚!!另外你問我(硝化細菌)有冇得自己陪養(即係DIY),我都答左你係可以,死左蛤俐肉或蝦同時將d(生物環)一齊放響入水盆等佢發臭,,過一排d水就會慢慢清,即係代表(硝化細菌)成功生長!!之後就可以放響過濾器用!!不過係好麻煩既過程,所以叫你去買一支,因為係有必要用架!!而且有排用!!!明未??而且過一星期到兩星期,或換水之後都要加返小小(硝化細菌)響過濾中!!今次講得咁簡單,希望你睇得明啦!!

2007-05-13 00:30:50 補充：
我緊唔係買要啦~~都係經驗黎者~
你養魚耐左,見到唔同野時就會慢慢學到野架啦~
工作唔講,我要保持神秘~~~呵呵~~

very very detail!
thank you

先撈起D鱼,放入一個有氣泵的水中換過哂D水,洗乾淨D石呀,木呀嗰D裝飾品,最後落D藥水,消消毒,開水泵等佢RUN下,大約2小時,再放魚,搞掂.

快快去洗一洗個魚岡啦