分左手.. 但係諗住遲D再追返佢 還有可能嗎..?!

睇到你真係好想同返佢一齊咁,但我覺得你地都太細個,你15歲都應該開始識識地諗啦,佢13歲可能拍拖對佢唻講可能係太重負擔.

見到你好有誠意咁多次求佢原諒,如果佢都仲係唔信你,信其他人講既野,我諗都好難再用說話去令佢相信你,而且你既行為可能會嚇親佢.

佢忽然變得咁快,我諗係因為佢思想都好混亂,又有人話佢知你唔可信,而你又咁激動,佢都唔知點好.佢話一齊,你落車之後,佢一個人獨處時,可能同朋友傾過,又或自己再諗真d,之後就作出再分手既決定,一d都唔出奇.

唔肯定佢會唔會有咩苦衷之類,你同佢一齊左一段時間都唔知,如果我就咁答你,答到都係呃你呢.

冇野係一定冇可能既,但咁急會做成反效果,我建議你用email寫信之類既間接d既方法同佢講返你冇鍾意第個,講返你對佢既感受,令佢明白你個心點諗.間接d既方法可以俾佢冷靜下,又冇咁驚你激動,之前你咁激動佢可能驚先應承住你一齊先.

如果佢冇回應,你就日日email俾佢,講佢知你有幾掛住佢,話佢知你會等佢,不過佢叫你唔好咁做既話,就勸你停下啦,都可以試下整個blog,日日打低一d你既心情,俾個blog地址佢,佢想睇先睇,咁就冇咁大壓迫感啦.

不過提醒一下你,你地一齊一個月,就咁多唔開心既事,你係咪真係咁愛佢呢?定係你地仲熱戀中,所以感覺特別強烈,不如你冷靜d諗下,你係咪真係冇左佢唔得?

呢段日子有開心有唔開心,我好明白當然地唔想失去,但如果俾你同佢一齊返,佢又好似之前既咁,你又會唔會開心呢?又或你諗下佢咁想分開既話,就算再一齊到,佢會唔會開心?

都係決定等既話,都記得要邊等邊讀書,唔好做咩都冇心機呀.

2007-05-05 19:04:29 補充：
既然佢話同你做返好朋友,咁你唔好當佢係你女友咁對待咁緊張,唔好嚇親佢呀,唔係朋友都冇得做仲衰啦,俾d耐性,希望你成功啦!

2007-05-06 18:02:02 補充：
我覺得部署係好,但唔好太急太明咁要佢知道,佢可能會覺你好煩,都話左做朋友嗎,但你又用追求者既方式去對佢,咁咪愈唻愈反感.試下寫blog or寫信or寫日記,唔一定要而家俾佢睇,同佢做返朋友之後,等大家關係好返d,之後同佢表白時用,好好多呀,誠意唔係用口講,都唔係用一時既激動去表達,橫掂你而家都冇咩做得,用唻當抒發一下都好嗎.我未同我女友一齊時,同佢係好朋友,由我鍾意佢之後,打左d網上日記,同佢表白後佢睇過之後都覺得好感動,但當然個方法唔一定掂,最緊要係對方都想同你一齊啦.

你咁有誠意,我都被你感動,何況佢?
唔使緊張,睇你都好年輕,大家都唔識應付感情.
啲女仔有啲咩都叫分手,我廿歲時有個女友前後分手卅次倒,
出完街食餐飯又無事,不過拍還拍,專心啲學業啦!